បើតាមរបាយការណ៍របស់សារព័ត៌មាន Le10Sport បានរាយការណ៍ឱ្យដឹងថា ខ្សែបម្រើកណ្តាលរបស់ក្លឹប Lazio កីឡាករ Sergej Milinkovic-Savic នៅតែជាគោលដៅផ្ទេរជួរមុខរបស់ក្លឹបអ្នកមានបារាំង Paris Saint-Germain នារដូវកាលក្រោយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Leonardo នាយកផ្នែកកីឡារបស់ក្លឹប Paris Saint-Germain ពិតជាមានចំណាប់អារម្មណ៍យ៉ាងខ្លាំង ក្នុងការចុះហត្ថលេខាយកតារាឆ្នើមជម្រើសជាតិស៊ែប៊ី ដែលកំពុងត្រូវបានក្លឹបចំនួន ៣ផ្សេងទៀត ចូលខ្លួនប្រជែងយករូបគេដូចគ្នា។
ទោះជាយ៉ាងណា ក្លឹបជើងឯកនៅក្របខណ្ឌ Ligue 1 មួយនេះ ជឿកជាក់ថា ក្លឹប Paris Saint-Germain អាចផ្តល់ជូននូវតម្រូវការហិរញ្ញវត្ថុបានគ្រប់គ្រាន់សម្រាប់ការទាមទាររបស់ក្លឹប Lazio និងកីឡាករ Sergej Milinkovic-Savic ស្របពេលដែលបច្ចុប្បន្ន កីឡាកររូបនេះ មានតម្លៃខ្លួនក្នុងទីផ្សារកីឡាករចំនួន ៦៤លានផោន។
សូមជម្រាបផងដែរថា Sergej Milinkovic-Savic បានផ្ទេរពីក្លឹប Genk របស់លីគកំពូលបែលហ្ស៊ិក មកចូលរួមជាក្លឹប Lazio កាលពីដើមរដូវកាល ២០១៥-២០១៦ ក្នុងតម្លៃខ្លួន ១៨លានផោន ដោយបង្ហាញខ្លួនសរុបឱ្យក្លឹប Lazio បានចំនួន ១៩៤ប្រកួត ក្នុងនោះរូបគេអាចរកគ្រាប់បាល់បានចំនួន ៣៦គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីបានចំនួន ២៦គ្រាប់ផងដែរ៕
ប្រភព៖ Goal