ពិធីការិនីជើងចាស់រូបនេះ បង្ហោះរូបជាមួយនឹងដៃគូពិធីករប្រុស តែបែរជាត្រូវអ្នកគាំទ្របញ្ចេញមតិបែបនេះ

ថៃ៖ ពិធីការិនីថៃជើងចាស់ដ៏ល្បីឈ្មោះ Kalamare Patchasriri ដែលទស្សនិកជនធ្លាប់បានឃើញមុខនៅក្នុងកម្មវិធី Talk-Show ដ៏ល្បីឈ្មោះរបស់ស្ថានីយ៍ទូរទស្សន៍ប៉ុស្តិ៍លេខ៣ 3Zaap គឺជាពិធីការិនីម្នាក់ ដែលអ្នកគាំទ្រតែងតែចាប់ផ្សំផ្គុំជាមួយនឹងពិធីករដៃគូ លោក Nanake Ketsepsawat មករហូត ដោយពួកគេចង់ឲ្យអ្នកទាំងពីរក្លាយទៅជាគូស្នេហ៍មែនទែន។

អ្វីដែលកាន់តែគួរឲ្យចាប់អារម្មណ៍ទៀតនោះ ពិធីការិនីជើងចាស់រូបនេះ ថែមទាំងបង្ហោះរូបគូជាមួយនឹងលោក Nanake នៅលើគណនី Instagram ផ្ទាល់ខ្លួនថែមទៀត អមជាមួយនឹងចំណងជើងបែបនឹករឭក អាឡោះអាល័យគ្នាយ៉ាងខ្លាំងថា៖"មិនបានជួបគ្នាពីរខែ មានរឿងត្រូវនិយាយជាមួយគ្នាច្រើនណាស់ មានរឿងរីករាយរួមគ្នា មានរឿងសប្បាយចិត្តជាមួយនឹងគ្នាទៅវិញទៅមក ហើយក៏សប្បាយចិត្តដែលមានបុរសម្នាក់នេះនៅក្នុងពេលវេលាល្អៗនៃជីវិត។" សារនេះ ត្រូវបានបង្ហោះឡើងក្រោយពេលដែលអ្នកទាំងពីរបានត្រឡប់ចូលទៅកាន់កម្មវិធីទូរទស្សន៍ជាថ្មីឡើងវិញ បន្ទាប់ពីកម្មវិធីទូរទស្សន៍ជាច្រើនបានផ្អាកមួយរយៈដោយសារវិបត្តិកូវីដ១៩។

ប៉ុន្តែអ្វីដែលសំខាន់ សារដ៏មានន័យជ្រាលជ្រៅបែបនេះ កាន់តែធ្វើឲ្យអ្នកគាំទ្ររំជើបរំជួលចិត្តថែមមួយកម្រិតទៀត ដោយសារពួកគេបានតាំងចិត្តផ្សំផ្គុំគូនេះតាំងពីយូរមកហើយ។ ក្នុងនោះ អ្នកខ្លះបានចូលទៅខមមិនដើម្បីបង្ហាញពីអារម្មណ៍ចង់ឲ្យអ្នកទាំងពីរក្លាយជាគូស្នេហ៍ពិតថា៖ "ស្រឡាញ់គ្នាមែនទែនទៅ!" "ទន្ទឹងរង់ចាំមើលថា តើគូនេះនឹងចូលរោងការនៅពេលណា?" "ឆាប់រៀបការទៅ!" ជាដើម៕

សូមទស្សនារូបភាពខាងក្រោម៖