ថៃ៖ ជាការពិត សព្វថ្ងៃនេះ រាល់មុនពេលប្រជាពលរដ្ឋ ចូលហាងទំនិញ ភោជនីយដ្ឋាន ឬកន្លែងផ្សេងៗទៀត បុគ្គលិកដែលប្រចាំការនៅទីនោះ តែងតែឈរ.រង់ចាំវាស់កម្ដៅ និងផ្ដល់ទឹកលាងសម្អាតដៃឲ្យជានិច្ច។

ហើយកាលពីពេលថ្មីៗនេះ បុគ្គលិកនៅហាងទំនិញ 7-Eleven ម្នាក់ បានបង្កឲ្យមានកំហុសដោយអចេតនាមួយ ដែលរូបនាងផ្ទាល់ បានបាញ់ទឹកលាងដៃចូលភ្នែកអតិថិជន។

យោងតាមវីដេអូឃ្លីប ដែលថតឡើងដោយកាមេរ៉ាសុវត្ថិភាព បង្ហាញឲ្យឃើញថា អតិថិជនម្នាក់ បានដើរចូលទៅក្នុងហាងទំនិញ ហើយបុគ្គលិកក៏យកប្រដាប់វាស់កម្ដៅ ដាក់ក្បែរថ្ងាស ដើម្បីវាស់។ បន្ទាប់មក បុគ្គលិកនោះ ក៏ច្រឡំយកទឹកលាងដៃ ទៅបាញ់ចំភ្នែករបស់អតិថិជន។ ហើយភ្លាមៗនោះ ស្រាប់តែអតិថិជនក្រហាយភ្នែក និងយកដៃបិទភ្នែកតែម្ដង។ ឃើញដូច្នេះ បុគ្គលិកនោះក៏បាននាំអតិថិជនដើរទៅខាងក្រោយហាង ដើម្បីទទួលការសង្គ្រោះបឋម។

ជុំវិញឃ្លីបវីដេអូខាងលើនេះ ត្រូវបានយកទៅបង្ហោះចែកចាយពាសពេញបណ្ដាញសង្គមហ្វេសប៊ុក ដោយទទួលបានការចាប់អារម្មណ៍យ៉ាងខ្លាំង រហូតដល់មានអ្នកចុចចូលទស្សនាចំនួន២.៤លានដង។ ទន្ទឹមនឹងនេះដែរ ក៏មានមតិលេងសើចមួយចំនួនបានលើកឡើងថា ភ្នែករបស់អតិថិជនរូបនោះប្រាកដជាស្អាត​ គ្មានមេរោគតោងជាប់ទៀតឡើយ៕

សូមទស្សនារូបភាពនិងវីដេអូខាងក្រោម៖

ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ