វីឌីអូ៖ ឡានក្រុងបុកជាមួយឡានដឹកទំនិញ ធ្លាក់ពីលើស្ពាន ស្លាប់៩នាក់ របួស២៩នាក់

យោងតាមគេហទំព័រ សារព័ត៌មានមួយ របស់ចិន បានឲ្យដឹងថា គ្រោះថ្នាក់ចរាចរណ៍ ដ៏គួរអោយរន្ធត់មួយ បានកើតឡើង នៅក្នុងក្រុង វិនសួយ ខេត្ត សានស៊ី ប្រទេសចិន កាលពីវេលា ព្រឹកម្សិលមិញនេះ។

ប្រភពព័ត៌មានបានឲ្យដឹងថា រថយន្តក្រុងមួយគ្រឿង បានបុកគ្នា ជាមួយនឹង រថយន្តដឹកទំនិញ មួយគ្រឿងទៀត បណ្តាលអោយរថយន្តទាំងពីរគ្រឿង ធ្លាក់ពីលើ ស្ពានតែម្តង។ ក្នុងហេតុការណ៍ដ៏អាក្រក់នេះដែរ យ៉ាងហោចណាស់ មានមនុស្ស ៩នាក់ បានស្លាប់បាត់បង់ជីវិត ដោយក្នុងនោះ មានម្នាក់ស្លាប់នៅនឹងកន្លែងកើតហេតុ ឯ ៨នាក់ផ្សេងទៀត ស្លាប់នៅឯមន្ទីរពេទ្យ និង មានមនុស្ស ២៩នាក់ ទៀត បានរងរបួស។ ទោះជាយ៉ាងណា ប៉ូលីសកំពុងតែធ្វើការស៊ើបអង្កេត នៅក្នុងករណីគ្រោះថ្នាក់ចរចរណ៍ នេះផងដែរ ដើម្បីរកមូលហេតុ ដែលនាំអោយរថយន្តទាំងពីរនេះ ទង្គិចគ្នាបែបនេះ។

ក្នុងឪកាសបុណ្យចូលឆ្នាំខ្មែរនេះដែរ សូមប្រិយមិត្តមេត្តា មានការប្រុងប្រយ័ត្នអោយបានខ្ពស់ ក្នុងពេលបើកបរ។

សូមទស្សនាវីឌីអូខាងក្រោម៖

តើប្រិយមិត្តយល់យ៉ាងណា?

ដោយ សី

ខ្មែរឡូត