ថៃ៖ មួយរយៈចុងក្រោយនេះ មហាជនមានការសង្កេតឃើញថា គ្រួសារតារាសម្ដែងប្រុស Navin Tar ហាក់កាន់តែមានសុភមង្គលខ្លាំងឡើងថែមមួយកម្រិត បន្ទាប់ពីទើបតែ ទទួលបានសមាជិកថ្មី ក្នុងគ្រួសារថែមម្នាក់ទៀត ដោយភរិយារបស់បុរសសង្ហាកូនពីររូបនេះ បានសម្រាលបានកូនស្រីទី ២ ដែលពោរពេញទៅដោយភាពគួរឲ្យក្នាញ់ខ្លាំងមែនទែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ បើគិតចាប់តាំងពីភរិយា របស់តារារូបនេះ សម្រាលកូន តាំងពីថ្ងៃ ៣០ ខែ មេសា មកដល់ពេលនេះ កូនស្រីរបស់លោក មានអាយុបានជិតមួយខែហើយ។ ហើយលោកក៏តែងតែ ផ្ដល់ភាពកក់ក្ដៅ និងក្ដីស្រលាញ់ទៅកាន់កូនៗ និងភរិយា យ៉ាងមានទំនួលខុសត្រូវខ្លាំងផងដែរ និងតែងបង្ហោះរូបភាពជាមួយគ្រួសារយ៉ាងសប្បាយរីករាយថែមទៀតផង។
ជាក់ស្ដែង ក្នុងពេលថ្មីៗនេះ Navin Tar ក៏បាននាំគ្រួសារទាំងដ៏តូច តែពោរពេញដោយសុភមង្គលមួយនេះ ទៅថតរូបជុំគ្នាក្នុងស្ទូឌីយោ ទាំងប៉ា ទាំងម៉ាក់ និងកូនស្រីទាំងពីរ តុបតែងខ្លួនយ៉ាងស្រស់ស្អាត ពិសេស មើលទៅពិតជាមានក្ដីសុខខ្លាំង និងពោរពេញដោយស្នាមញញឹម នៅពេលបង្ហោះនៅលើគណនី Instagram របស់ពួកគេ ធ្វើឲ្យបណ្ដាអ្នកគាំទ្រ នាំគ្នាលាន់មាត់សរសើរ និង លួចច្រណែនស្ទើរគ្រប់គ្នាផងដែរ៕
ចង់ជ្រាបច្បាស់ទស្សនារូបភាពខាងក្រោម៖