ថៃ៖ តារាស្រីជួរមុខប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ Taew Natapohn ក្នុងមួយរយៈពេលចុងក្រោយនេះ កត់សម្គាល់ឃើញថាមានសកម្មភាពច្រើនក្នុងការហាត់ប្រាណ រហូតដល់ថ្នាក់បើកជំនួញលក់ឈុតខោអាវសម្រាប់ការហាត់ប្រាណថែមទៀតផង។ ដោយហេតុនេះហើយ ទើបតារាស្រីវ័យ៣១ឆ្នាំរូបនេះមានដងខ្លួនស្រឡូនស្អាត ហើយកាន់តែមាំទាំជាងមុនទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែអ្វីដែលគួឲ្យចាប់អារម្មណ៍នោះ នៅថ្ងៃនេះ Taew បានបង្ហោះរូបភាពនៅលើ Story Instagram បង្ហាញពីការហាត់ប្រាណយ៉ាងពិសេសមួយ ដើម្បីត្រៀមថតខ្សែភាគយន្តភាគថ្មី រឿង Game Lah Thorachhun។ តាមពិតទៅ ខ្សែភាពយន្តភាគមួយនេះបានដំណើរការថត បានប្រមាណ២០ ភាគរយរួចទៅហើយ តែត្រូវបានផ្អាកដំណើរមួយរយៈពេល ដោយសារវិបត្តិកូវីដ១៩។ បច្ចុប្បន្ន រឿងនេះកំពុងស្ថិតក្នុងការរៀបចំត្រៀមថតជាថ្មីឡើងវិញ។
គួរបញ្ជាក់ផងដែរ រឿងភាគថ្មីនេះ ជាប្រភេទរឿងបែបបាញ់បោះ និងមានឈុតឆាកវាយ ប្រយុទ្ធគ្នាជាច្រើន ហើយ Taew ត្រូវសម្ដែងជាតួអង្គប៉ូលិសស្រី ទើបតម្រូវឲ្យនាងហាត់ប្រាណដើម្បីឲ្យកាន់តែមានរូបរាងមាំទាំជាមុន។ សម្រាប់រឿងនេះ Taew ត្រូវសម្ដែងជាគូជាមួយនឹង Mark Prin ដែលធ្លាប់បានជួបគ្នាម្ដងរួចមកហើយក្នុងរឿង Rak Nakara៕
សូមទស្សនារូបភាពខាងក្រោម៖