ថៃ៖ ដូចយើងបានដឹងរួចមកហើយថា Kimmy Kimberly និង Mark Prin គឺជាតារាសម្ដែងគូ ស្នេហ៍ដ៏ល្បីប្រចាំទ្រនំប៉ុស្តិ៍លេខ៣ ដែលបានរក្សាចំណងស្នេហាអស់រយៈពេលជាច្រើនឆ្នាំមកហើយ។ ជារឿយៗ អ្នកទាំងពីរតែងបង្ហាញភាពស្និទ្ធិស្នាលជាលក្ខណៈគូស្នេហ៍ជាមួយនឹងគ្នា តាមរយៈរូបភាព និងវីដេអូនៅលើគណនី Instagram ជាហេតុធ្វើឲ្យអ្នកគាំទ្រភាគច្រើនកោតសរសើរ និងប្រាថ្នាចង់បានស្នេហាដ៏រឹងមាំដូចអ្នកទាំងពីរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែស្រាប់តែថ្មីៗនេះ នៅពេលដែល Kimberly បង្ហោះវីដេអូមួយ នៅលើគណនី Instagram ស្រាប់តែមានអ្នកលេងអ៊ិនធឺណែតម្នាក់ចូលទៅខមមិនលើរូបភាពនោះថា៖ "Kimberly គួរតែបែកគ្នាជាមួយនឹង Mark Prin ទៅ ព្រោះមើលទៅអនាគតប្រហែលជាមិនអាចរៀបការជាមួយគ្នាបានទេ។ នរណាក៏ដឹងដែរថា Mark Prin មានចរិតព្រាននារីយ៉ាងណានោះ មើលទៅដូចជាមិនស្រឡាញ់នរណាម្នាក់ឲ្យប្រាកដប្រជានោះទេ ដូច្នេះគួរតែបែកគ្នាទើបល្អជាង។"
បន្ទាប់ពីមានការបញ្ចេញមតិបែបនេះរួច គេមិនទាន់ឃើញសាមីខ្លួន Kimberly ចេញមកបកស្រាយយ៉ាងណានោះទេ ប៉ុន្តែរឿងស្នេហាគឺជាបញ្ហាផ្ទាល់ខ្លួនរវាងមនុស្សពីរនាក់ ដូច្នេះអ្នកគាំទ្រគួរទុកឱកាសឲ្យសាមីខ្លួនជាអ្នកសម្រេចចិត្ត ទើបជាការប្រសើរជាង៕
សូមទស្សនារូបភាពខាងក្រោម៖
ប្រភព៖ TeeNee