ថៃ៖ ខ្សែភាពយន្តភាគថៃ រឿង Ok Keub Hak Eb Ruk Khun Samee ឬ My Husband in Law ដែលកំពុងចាក់បញ្ចាំងនៅលើកញ្ចក់ទូរទស្សន៍ថៃប៉ុស្តិ៍លេខ៣ បានក្លាយទៅជាខ្សែភាពយន្ត ភាគដ៏ពេញនិយមមួយ ប្រចាំឆ្នាំ២០២០នេះ ដោយសារតែរឿងនេះមានចំនួនអ្នកទស្សនាយ៉ាងច្រើន លើសលប់ ពោលគឺមានអត្រាអ្នកទស្សនាច្រើនជាងរឿងភាគមុនៗរបស់ស្ថានីយ៍ទូរទស្សន៍ប៉ុស្តិ៍លេខ ៣។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែនៅពេលដែលរឿងនេះបានចាក់បញ្ចាំងមកដល់ត្រឹមភាគទី៥ រហូតមកដល់ភាគទី៩នេះ ចំនួនអ្នកទស្សនាហាក់បីដូចជាមិនមានសន្ទុះខ្លាំងដូចកាលពីទើបចាក់បញ្ចាំងដំបូងឡើយ។ ជុំវិញបញ្ហានេះ សង្គមអ្នកលេងអ៊ិនធឺណែត ជាពិសេសអ្នកគាំទ្ររបស់រឿងនេះផ្ទាល់បានបញ្ចេញគំនិតទាស់គ្នាយ៉ាងខ្លាំងក្លា នៅលើបណ្ដាញអ៊ិនធឺណែត ដោយមានអ្នកខ្លះលើកឡើងថា រឿងនេះមានលក្ខណៈសាំញ៉ាំបន្តិចចាប់ពីភាគទី៥តទៅ ហើយសាច់រឿងមិនសូវមានអ្វីថ្មីគួរឲ្យចាប់អារម្មណ៍ ពិសេសគឺមិនសូវកំប្លែងដូចមុនឡើយ។ មិនត្រឹមតែប៉ុណ្ណោះ ពួកគេក៏បានបន្ថែមទៀតថា រឿងនេះផ្ដោតសំខាន់លើភាពផ្អែមល្ហែមរបស់តួឯកទាំងពីរពេក ទើបធ្វើឲ្យសាច់រឿងទាំងមូលគួរឲ្យធុញបែបនេះ។
ទន្ទឹមនឹងមានការលើកឡើងបែបនេះ អ្នកគាំទ្រជាច្រើនផ្សេងទៀត បានរុញច្រានចោលនូវការលើកឡើងទាំងនេះ ដោយពួកគេបានអះអាងថា ខ្សែភាពយន្តភាគមួយនេះគឺពិតជាល្អមើលខ្លាំងណាស់ ហើយពួកគេជឿជាក់ថា នៅភាគខាងមុខច្បាស់ជាមានឈុតឆាកកាន់តែល្អមើលថែមទៀត។ ពួកគេបានលើកទឹកចិត្តអ្នកដឹកនាំរឿង ឲ្យខិតខំផលិតរឿងល្អបែបនេះតទៅទៀត។ ម៉្យាងវិញទៀត ថ្វីត្បិតតែ សន្ទុះអ្នកទស្សនាតាមកញ្ចក់ទូរទស្សន៍មិនសូវមានការកើនឡើងខ្លាំង ប៉ុន្តែចំនួនអ្នកទស្សនាតាម អនឡាញ គឺពិតជាមានសន្ទុះកើតឡើងខ្លាំង មិនមានអ្វីគួរឲ្យព្រួយបារម្ភនោះឡើយ៕
សូមទស្សនារូបភាពខាងក្រោម៖