ស្វាមីដែលស្រីៗប្រាថ្នា! តារាប្រុសទាំងនេះ បានបំពេញតួនាទីឪពុកគំរូ មើលថែកូនគួរឲ្យសរសើរ

ភ្នំពេញ៖ ជាការពិតណាស់ បច្ចុប្បន្ន មានតារាប្រុសស្រីល្បីៗជាច្រើនដួង បានសម្រេចចិត្តដឹងដៃគ្នាចូលរោងការ ហើយក៏បានកសាងជីវិតគ្រួសារយ៉ាងមានសុភមង្គល ជាពិសេស ពេលនេះពួកគេក៏មានកូនតូចៗ គួរឲ្យស្រលាញ់ទៀតផង។

ស្របពេលដែលតារាប្រុសស្រី ល្បីៗ បានរៀបការរួច ក៏មិនបានធ្វើឲ្យប៉ះពាល់ដល់ប្រជាប្រិយភាពនោះទេ តែបែរជាពួកគេកាន់តែមានឈ្មោះល្បីល្បាញ និងទទួលបានការចាប់អារម្មណ៍ខ្លាំងជាងមុនទៅទៀត។ ក្នុងនោះដែរ កូនៗរបស់ពួកគេ ក៏មានអ្នកចូលចិត្ត និង​សរសើរពីមុខមាត់ស្អាត ឃ្យូត គួរឲ្យក្នាញ់ផងដែរ។ បើងាកមកមើលតារាប្រុស ដែលរៀបការមានកូនរួច ពួកគេពិតជា បានយកចិត្តទុកដាក់មើលថែកូនៗ បានយ៉ាងល្អ មិនចាញ់ស្រីៗឡើយ។

ក្នុងនោះដែរ ពួកគេក៏បានសាងជិវិតគ្រួសារយ៉ាងមានសុភមង្គល ហើយធ្វើជាប៉ាៗល្អ ចេះថ្នាក់ថ្នម ​មើលថែភរិយា និងកូន បើទោះបី ពួកគេរវល់ជាមួយការងារយ៉ាងណាក្ដី។ ដោយប៉ាៗ ដែលអ្នកគាំទ្រលាន់មាត់សរសើរទាំងនោះមានដូចជា៖

១៖ លោក ជា វណ្ណារិទ្ធ បច្ចុប្បន្នលោកមានកូនប្រុស ២នាក់ សុទ្ធតែឆ្លាត និង គួរឲ្យក្នាញ់

២៖ លោក គឹម សីហា ស្វាមី អ្នកនាង គង់ ចាន់ស្រីមុំ ដោយបច្ចុប្បន្ននេះ តារាប្រុសរូបនេះមានកូនស្រីម្នាក់ ហើយកូនស្រីលោកក៏មានមុខមាត់ឃ្យូត ស្រស់ស្អាតផងដែរ។

៣៖ លោក ឆាយ​ វីរៈយុទ្ធ តារាច្រៀងរូបនេះ ក៏មានកូនស្រីម្នាក់គួរឲ្យស្រលាញ់ផងដែរ។

៤៖ លោក ឃឹម ហ្សានីត ជាតារាសម្ដែង និង​តារាម៉ូដែល សព្វថ្ងៃ លោកក៏មានកូនស្រី ឃ្យូត គួរឲ្យក្នាញ់ផងដែរ។

៥៖ ស្វាមី អ្នកនាង ឱក សុគន្ធកញ្ញា បច្ចុប្បន្ន អ្នកទាំងពីរមានកូនប្រុសម្នាក់ មានមុខមាត់ស្អាតសង្ហាមិនចាញ់ប៉ា ម៉ាក់ឡើយ។

៦៖ លោក នី រតនា តារាចម្រៀងរូបនេះ ក៏ទើបតេមានកូនស្រីម្នាក់គួរឲ្យក្នាញ់ផងដែរ។

៧៖ ស្វាមី ពេជ្រ សូលីកា ដោយប៉ុន្មានថ្ងៃមុននេះ ពេជ្រ​សូលីកាទើបតែសម្រាលបានកូនប្រុសម្នាក់ គួរឲ្យស្រលាញ់។