ម៉ិចសុិក៖ បាតុភូតដ៏កម្រមួយបានកើតឡើងនៅក្នុងប្រទេសម៉ិចសុិក កាលពីពេលថ្មីៗនេះ ដោយមានភ្លៀងធ្លាក់លាយឡំនឹងដុំទឹកកក ដែលរាងរបស់វាស្រដៀងនឹងកោសិកានៃវីរុសកូរ៉ូណា ហើយត្រូវបានអ្នកស្រុកនិយាយតៗគ្នាថា បាតុភូតនេះជាសញ្ញាពីព្រះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបាតុភូតធម្មជាតិនេះ ត្រូវគេប្រទះឃើញនៅក្នុងទីក្រុង Montemorelos រដ្ឋ Nuevo ភាគខាងជើងប្រទេសម៉ិចសុិក ហើយទិដ្ឋភាពទាំងនោះ ក៏ត្រូវបានគេយកទៅបង្ហោះចែកចាយលើបណ្ដាញសង្គមផងដែរ។
ក្រោយពីឃើញដូច្នេះ អ្នកប្រើប្រាស់បណ្ដាញសង្គមម្នាក់បាននិយាយថា៖
ព្រះបានបញ្ជូនអាកាសធាតុបែបនេះ ដើម្បីរម្លឹកយើងឲ្យស្នាក់នៅក្នុងផ្ទះ។
យ៉ាងណាមិញ អ្នកឧតុនិយម និងជាទីប្រឹក្សារបស់អង្គការឧតុនិយមពិភពលោក (WMO) គឺលោក Jose Miguel Vinas បានពន្យល់ថា៖
ដំបូងឡើយព្រិលទឹកកកចាប់ផ្ដើមក្លាយខ្លួនជាទម្រង់ស្វ៊ែរ និងកកកុញជាស្រទាប់ៗ។ ហើយនៅពេលមានព្យុះ ព្រិលទឹកកកដែលមានទំហំធំនឹងបែកខ្ចាត់ខ្ចាយ ជាមួយនឹងទំហំខុសៗគ្នា ដែលបណ្ដាលឲ្យរាងរបស់វាស្រដៀងផ្កាយ។ សរុបសេចក្ដីមក ព្រិលទឹកកកទាំងនោះមានលក្ខណៈធម្មតាទេ៕
សូមទស្សនារូបភាពខាងក្រោម៖
Bong I.T