មិនទាន់អស់ទេ! ពេលនេះ Newcastle ថាចង់បានខ្សែ​ប្រយុទ្ធ​ពូកែញាក់បាល់នៅ Premier League រូបនេះ

យោងតាមសារព័ត៌មាន The Sun បានចេញផ្សាយថា ខ្សែប្រយុទ្ធពូកែញាក់បាល់ដែលកំពុងប្រកបអាជីពនៅក្លឹប Crystal Palace កីឡាករ Wilfried Zaha កំពុងស្ថិតក្នុងរ៉ាដារបស់ក្លឹបអ្នកមានថ្មី Newcastle United។

នៅពេលដែលម្ចាស់ក្លឹបថ្មីទទួលបានសិទ្ធិពេញលេញក្នុងការគ្រប់គ្រងក្លឹប Newcastle United នឹងមានលុយយ៉ាងមហាសាលដើម្បីចំណាយក្នុងទីផ្សារដោះដូរនារដូវក្តៅខាងមុខនេះ ចំណែកការចូលខ្លួនចរចាយក Zaha គឺជាគោលដៅរបស់ក្លឹប។

ខ្សែប្រយុទ្ធដែលបានប្តូរពីក្រុមជម្រើសជាតិអង់គ្លេសទៅជម្រើសជាតិកូតឌីវ័រ ហើយបានចូលលេងដំបូង ឱ្យក្រុមខ្លាំងនៅទ្វីបអាហ្វ្រិកមួយនេះ កាលពីខែមករា ឆ្នាំ២០១៧។ Zaha ត្រូវបានក្លឹប Arsenal តាមចែចូវជាច្រើនលើកច្រើនសារកាលពីរដូវកាលមុន ប៉ុន្តែមិនត្រូវរ៉ូវតម្លៃផ្ទេរឡើយ ខណៈដែលបច្ចុប្បន្នរូប គេមានតម្លៃខ្លួនក្នុងទីផ្សារប្រមាណ ៤៤លានផោន។

ចំណែកអតីតអ្នកចាត់ការទូទៅក្លឹប Spurs លោក Mauricio Pochettino នៅតែស្ថិតក្នុងជម្រើស ទី១របស់ក្លឹប ចំណែក Zaha ក៏ស្ថិតក្នុងគម្រោងនាំចូលរបស់លោកកាលនៅដឹកនាំ Spurs ដូចគ្នា៕

ប្រភព៖ Goal