ចិន៖ ដោយសារតែរឿងអាស្រូវ គេចពន្ធកន្លងមកបានធ្វើឲ្យ កេរ្តិ៍ឈ្មោះ តារាសម្តែងស្រីFan Bingbing ធ្លាក់ចុះជាខ្លាំង ការងារសិល្បៈ ក៏ត្រូវបានបិទគ្រប់កន្លែង ចំណែកការlive តាមបណ្តាញសង្គម ក៏ត្រូវបានហាមឃាត់ ដោយសារតែឥទ្ធិពល នៃរឿងអាស្រូវរបស់នាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងពេលថ្មីៗនេះFan Bingbing ត្រូវបានមហាជនប្រទះឃើញនាង ប្រើប្រាស់មធ្យោបាយ ធ្វើដំណើរសាធារណៈ។ បើយោងតាមការចុះផ្សាយ របស់សារព័ត៌មានSina បានឲ្យដឹងថាFan Bingbing បានបង្ហាញខ្លួន នៅក្នុងតំបន់រថភ្លើង នៅទីក្រុងប៉េកាំង។ តារាសម្តែងរូបនេះ ស្លៀកសម្លៀកបំពាក់យ៉ាងធម្មតា ពាក់ម៉ាស ពាក់មួក ដើម្បីបិទបាំងមុខរបស់នាង។ ទៀតសោត ស្ទាយ៍ស្លៀកពាក់របស់នាង ត្រូវបានមហាជនភាគច្រើន លើកឡើងថាមានភាព សាមញ្ញខុសប្លែកកាលពីលើកៗមុនជាខ្លាំង។
គួរបញ្ជាក់ផងដែរថា កន្លងមកFan Bingbing ធ្លាប់តែជាតារាស្រីដ៏លេចធ្លោ និងមានក្តេរ្តិ៍ឈ្មោះល្បីល្បាញ មួយរូបក្នុងប្រទេសចិន។ ក៏ប៉ុន្តែដោយសារ តែរឿងអាស្រូវ ទើបធ្វើឲ្យក្នុងរយៈពេល២ ឆ្នាំកន្លងមកនេះFanBingbing មិនអាចដើរតួ ក្នុងខ្សែភាពយន្តបាន ហើយក៏មិនចូលរួម ក្នុងព្រឹត្តិការណ៍ធំៗ ដែលប្រមូលផ្តុំ សិល្បករជាច្រើន ដូចកាលពីមុនបានទៀត។ ប្រការនេះហើយ បានធ្វើឱ្យនាងបាត់បង់ ជំហរជាបណ្តើរៗ ហើយក៏លែងស្ថិតក្នុង តំណែងជាតារាលំដាប់លេខមួយ នៅក្នុងពិភពពាណិជ្ជកម្ម របស់ចិនបន្តទៅទៀតផងដែរ៕