ជប៉ុន៖ តារាម៉ូដែលមួយរូប របស់ប្រទេសជប៉ុន កំពុងតែទទួលបាននៅភាពល្បីល្បាញយ៉ាងខ្លាំង ជាមួយនឹងស្បែកមុខ សម៉ត់រលោង មើលទៅនៅតែក្មេងជាងវ័យ បើទោះបីជាឈានចូលដល់វ័យ ៥២ឆ្នាំទៅហើយយ៉ាងណាក្តី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតារាម៉ូដែល ដែលមានឈ្មោះថាMasako Mizutani វ័យ៥២ឆ្នាំរូបនេះ បានបង្អួតសម្រស់នៅតែក្មេងរបស់អ្នកនាង លើទស្សនាវដ្តីBeauty Story កាលពីពេលថ្មីៗនេះ។ ក្នុងនោះក៏បាន ធ្វើឲ្យអ្នកគាំទ្រជាច្រើន មានការកោតសរសើរ រួមនឹងការងឿងឆ្ងល់ ហើយចង់ដឹង អំពីវិធីសាស្ត្រថែរក្សាសម្រស់ របស់តារាស្រីរូបនេះជាខ្លាំង។
មិនឲ្យអ្នកគាំទ្រមានចម្ងល់យូរ តារាម៉ូដែលរូបនេះក៏បានបង្ហើបពី វិធីសាស្ត្រងាយៗដែលអ្នកនាង បានអនុវត្តន៍ជាប្រចាំ ជាមួយនឹងវត្ថុធាតុដើម ដែលងាយស្រួលរក ហើយមនុស្សភាគច្រើន បានមើលរំលងពី សារៈប្រយោជន៍របស់វាផងដែរ។
តោះចង់ដឹងថាមានវិធីសាស្ត្របែបណានោះសូមទៅតាមដានទាំងអស់គ្នា៖
វិធីសាស្ត្រទី១៖ គឺ Masako Mizutani តែងតែធ្វើការលុបលាងមុខ ជាមួយនឹងទឹកដែលលាងអង្ករហើយ ជារៀងរាល់ថ្ងៃ។ ពោលគឺនៅរាល់ពេលដែល ដាំបាយនាងតែងតែត្រងទុកទឹក ដែលលាងអង្ករហើយនោះ ទុកក្នុងដបទឹកមួយដោយអ្នកនាងប្រើវាតែ១ ទៅ២ ថ្ងៃប៉ុណ្ណោះ។ ព្រោះបើទុកយូរវា និងផ្អូម ហើយមិនល្អសម្រាប់ស្បែកមុខ របស់យើងនោះទេ។
វិធីសាស្ត្រទី២៖ លាបយ៉ាអួរឲ្យបាន១ ទី២ ដងក្នុងមួយសប្តាហ៍។ បន្ទាប់មកលាងជម្រះវាជាមួយ នឹងទឹកធម្មតា។ ដែលវិធីសាស្ត្រនេះ អាចជួយបន្ថែមនៅសារធាតុចិញ្ចឹម រួមទាំងវីតាមីនC និងD ចូលទៅកាន់ស្បែកមុខយើង ដើម្បីប្រឆាំងនិងភាពជ្រើវជ្រួញផងដែរ។
វិធីសាស្រ្តទី៣៖ ទម្លាប់ធ្វើការម៉ាស្សាមុខជាប្រចាំ រួមជាមួយនឹងសេរ៉ូម ដើម្បីជួយបណ្តឹងស្បែកមុខ។
វិធីសាស្ត្រទី៤៖ ក្រៅពីវិធីសាស្ត្រ ថែរក្សាស្បែកមុខទាំងនោះហើយ យើងក៏ត្រូវបង្កើតទម្លាប់ ក្នុងការញុំាឲ្យបានត្រឹមត្រូវ ដោយព្យាយាមញុំា បន្លែនិងផ្លែឈើ ឲ្យបានច្រើន។
វិធីសាស្ត្រទី៥៖ បើសិនជាអាចគួរតែព្យាយាម បិទម៉ាសមុខជាមួយនឹង ផលិតផលណាដែលមាន ផ្ទុកនូវសារធាតុចិញ្ចឹមច្រើន ដែលអាចជ្រាបចូលធ្វើឲ្យស្បែកមុខស និងអាចកម្ចាត់សារធាតុមិនល្អ លើផ្ទៃមុខរបស់យើងបាន។ គួរតែព្យាយាមបិទម៉ាស ឲ្យបានយ៉ាងហោចណាស់៣ ដងក្នុងមួយសប្តាហ៍ ទើបជាការល្អ៕
Bong I.T