មិននៅស្ងៀម! វៀតណាមត្រៀមខ្លួនសហការជាមួយកាណាដារឿងពាណិជ្ជកម្ម ទោះកូវីដ១៩ មិនទាន់ស្ងាត់ក៏ដោយ

//s5.kh1.co/a4/a4edb788897c1d5e04c12ba2e91d5d3671b9c499.jpg

សង្គម

១៥-ឧសភា-២០២០ ២ល្ងាច · ៤ ឆ្នាំមុន

ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសលោក PhạmBình Minh បានប្រាប់កាលពីថ្ងៃព្រហស្បតិ៍ថា វៀតណាមបានត្រៀមខ្លួនជាស្រេច ដើម្បីសហការជាមួយប្រទេសកាណាដាក្នុងការស្តារខ្សែសង្វាក់ពាណិជ្ជកម្ម និងការផ្គត់ផ្គង់ជាសកល

វៀតណាម៖ ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសលោក PhạmBình Minh បានប្រាប់ទៅរដ្ឋមន្រ្តីការបរទេសកាណាដាលោក Francois-Philippe Champagne ក្នុងអំឡុងកិច្ចពិភាក្សាតាមទូរស័ព្ទកាលពីថ្ងៃព្រហស្បតិ៍ថា វៀតណាមបានត្រៀមខ្លួនជាស្រេច ដើម្បីសហការជាមួយបណ្តាប្រទេសនានារួមទាំងប្រទេសកាណាដាក្នុងការស្តារខ្សែសង្វាក់ពាណិជ្ជកម្មនិងការផ្គត់ផ្គង់ជា សកល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Minh បានកោតសរសើរចំពោះកិច្ចខិតខំប្រឹងប្រែងរបស់ប្រទេសកាណាដា ក្នុងការប្រយុទ្ធប្រឆាំងនឹងការរីករាលដាលនៃជម្ងឺរាតត្បាត COVID-១៩ និងបានថ្លែងអំណរគុណដល់រដ្ឋាភិបាលកាណាដាដែលបានធ្វើការសម្របសម្រួល និងគាំទ្រដល់វៀតណាមក្នុងការរៀបចំជើងហោះហើរចំនួន ២ សម្រាប់ដឹកជញ្ជូនប្រជាជនវៀតណាមជាង ៥៥០ នាក់។ លោកបានសង្កត់ធ្ងន់ថាការប្តេជ្ញាចិត្តរបស់រដ្ឋាភិបាលវៀតណាមក្នុងការទប់ស្កាត់ជម្ងឺរាតត្បាត ខណៈពេលដែលប្រទេសខ្លួនកំពុងលើកកម្ពស់ផលិតកម្មនិងអាជីវកម្ម។

លោករដ្ឋមន្រ្តីកាណាដាបានសម្តែងក្តីសង្ឃឹមក្នុងការចែករំលែកព័ត៌មាន និងកិច្ចសហប្រតិបត្តិការក្នុងការប្រយុទ្ធប្រឆាំងនឹងជម្ងឺរាតត្បាតតាមរយៈយន្តការសហប្រតិបត្តិការទ្វេភាគីនិងពហុភាគី។

ភាគីទាំងពីរបានវាយតម្លៃខ្ពស់ចំពោះទំនាក់ទំនងទ្វេភាគីប្រកបដោយផ្លែផ្កាពាសពេញតំបន់ជាពិសេស បន្ទាប់ពីវៀតណាមនិងកាណាដាបានបង្កើតភាពជាដៃគូគ្រប់វិស័យនៅឆ្នាំ ២០១៧ ហើយបានចាប់ផ្តើមឯកភាពលើកិច្ចព្រមព្រៀងលើគ្រប់វិស័យ និងវឌ្ឍនភាពសម្រាប់ភាពជាដៃគូក្នុងតំបន់ប៉ាស៊ីហ្វិក (CPTPP) ។ ភាគីទាំងពីរបានព្រមព្រៀងបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ និងរក្សាយន្តការដែលមានស្រាប់រវាងក្រសួងការបរទេសទាំងពីរ។

ជាងនេះទៀត ភាគីទាំងពីរបានសន្យាសម្របសម្រួលគ្នាយ៉ាងជិតស្និទ្ធជាមួយគ្នានៅវេទិកាក្នុងតំបន់ និងអន្តរជាតិក្នុងកំឡុងពេលដែលវៀតណាមធ្វើជាប្រធានអាស៊ាន ២០២០ និងជាសមាជិកអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់ឆ្នាំ ២០២០-២០២១៕