ថ្មីៗនេះក្នុងខែ មីនា ក្រុមហ៊ុនដែលចាប់កំណើតចេញពីភូមិ Changjiang នៅប្រទេសចិនបានបែងចែកមាស និង ប្រាក់ដល់ប្រជាជនក្នុងភូមិទាំងមូលសរុប ៣០០០ នាក់ ម្នាក់ៗទទួលបាន មាស ១០០ ក្រាម ត្រូវនឹង ៥៣០០ ដុល្លារសហរដ្ឋអាមេរិក និង ប្រាក់ ១០០ ក្រាម ត្រូវនឹង ៣២០០ ដុល្លារសហរដ្ឋអាមេរិក ។ ដូច្នេះម្មាក់ៗក្នុងភូមិទទួលបានសរុប ៨៥០០ ដុល្លារសហរដ្ឋអាមេរិក គ្រួសារខ្លះមានសមាជិកដល់ទៅ ១០ នាក់ គ្រួសារដែលមានគ្នាដល់ដប់នាក់ទទួលសរុប ៨៥០០០ ដុល្លាសហរដ្ឋអាមេរិក ។
មុននឹងបែងចែក ក្រុមហ៊ុននេះបានផ្តល់គ្រួសារនីមួយៗនូវទូដែកសម្រាប់រក្សាមាសប្រាក់ ប៉ុន្ដែមិនបានផ្តល់ដំណឹងមុននូវថ្ងៃបែងចែក ព្រោះខ្លាចជនគំនិតមិនល្អរៀបគម្រោងប្លន់ ។
អ្នកភូមិខ្លះប្រាប់ថាគេនឹងរក្សាមាសនិងប្រាក់នេះទុកជាកេរិ៍្ត ខ្លះចង់យកវាទៅច្នៃជាគ្រឿងអលង្ការ សម្រាប់កូនប្រសារបស់ខ្លួន ។ អ្នកភូមិផ្សេងៗណាក៏ចង់បាន កូនកំលោះ និង កូនក្រមុំ ក្នុងភូមិនេះដែរ ព្រោះថា អ្នកក្នុងភូមិនេះសុទ្ធតែជាអ្នកមាន ។ នេះមិនមែនជាលើដំបូងដែល ក្រុមហ៊ុននេះបែងចែងទ្រព្យដល់អ្នកភូមិរបស់ខ្លួន ។ ក្នុងឆ្នាំមុនៗ គ្រួសារនីមួយៗទទួលបានផ្ទះវីឡា និង ភាគហ៊ុនក្រុមហ៊ុន និង មាស ។ ឆ្នាំមុន ក្រុមហ៊ុន ចំណាយ ១០០០០ ដុល្លារសហរដ្ឋអាមេរិក ដើម្បី តុបតែងខាងក្នុងសម្រាប់ផ្ទះនីមួយៗ ។
ខ្មែរឡូតពិតជាចង់ក្លាយជាកូនចៅអ្នកភូមិនេះដល់ហើយ មិនបាច់ធ្វើអ្វីទេចាំតែក្រុមហ៊ុនចែកទ្រព្យឲ្យ។ សូមសរសើរក្រុមហ៊ុន ដែលមានចិត្តមិនភ្លេច អ្នកភូមិរបស់ខ្លួនដែលបានចូលរួមចំណែកក្នុងការបង្កើតក្រុមហ៊ុននេះ។
ដោយ វីន
Khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
