អង្គការសុខភាពពិភពលោក៖ កូវីដ១៩ វាយប្រហារ​ពិភព​លោក​យ៉ាងសាហាវ​​ ដែលមិនធ្លាប់មាន​ពីមុន​មក

តាម‍ស្ថិតិសុខាភិបាលពិភពលោកឆ្នាំ២០២០ ដែលប្រកាសដោយអង្គការសុខភាពពិភពលោកកាលពី​ថ្ងៃទី១៣ ឧសភា បង្ហាញថា ករណីជំងឺកូវីដ-១៩ បានគំរាមកំហែងដល់ការសម្រេចគោលដៅផ្នែកសុខាភិបាលក្នុង​ចំណោម​គោលដៅអភិវឌ្ឍន៍ជានិរន្តរភាពរបស់

អង្គការ ហើយមានលទ្ធភាពបណ្តាលឱ្យសមិទ្ធផលផ្នែកសុខាភិបាលដែលមនុស្សជាតិទទួលបាន​ពីមុនប្រែជា​ថមថយចុះ។

គួររំឭកថា​ តាមស្ថិតិបានបង្ហាញឱ្យដឹងថាកាលពីឆ្នាំ២០០០-២០១៦ អាយុកាលរំពឹងទុកជាមធ្យមនៅប្រទេសមាន​ចំណូលទាបបានកើនឡើង ១១ឆ្នាំ កម្រិតកំណើនឡើងដល់ ២១ភាគរយ។ តែទន្ទឹមនឹងនេះ ក៏ឆ្លុះបញ្ចាំងពីបញ្ហាជា​ច្រើនដូចជា ប៉ុន្មានឆ្នាំចុងក្រោយនេះ អត្រាស៊ាំនឹងរោគស្ទើរតែមិនកើនឡើង ចំនួនមនុស្សលើសពី៥០ភាគរយ​លើ​ពិភពលោកខ្វះខាតសេវាកម្មសុខាភិបាលជាមូលដ្ឋាន ចំនួនមនុស្ស២៩ភាគរយគ្មានទឹកស្អាតបរិភោគ។

ជាការកត់សម្គាល់ លោកTedros AdhanomGhebreyesus អគ្គនាយកអង្គការសុខភាពពិភពលោកបានថ្លែងថា ករណីជំងឺកូវីដ-១៩បាននាំមកការវាយប្រហារមិនធ្លាប់មានដល់ពិភពលោក ក៏ធ្វើឱ្យយើងមើលឃើញ​ពីពិភព​លោក​កង្វះខាតការវិនិយោគផ្នែកសុខាភិបាលរបស់មនុស្សជាតិ៕