បរទេស៖ ទីភ្នាក់ងារសារព័ត៌មាន Dailymail បានរាយការណ៍ថា បំណែកសេសសល់នៃគ្រាប់រ៉ុក្កែតជំនាន់ថ្មី Long March CZ-5B របស់ប្រទេសចិន ដែលត្រូវបានបាញ់បង្ហោះសាកល្បងឡើងទៅទីអវកាស កាលពីថ្ងៃទី ៥ ខែឧសភា នៅក្នុងខេត្តហៃណាន ប្រទេសចិននោះ បានធ្លាក់មកលើតំបន់មហាសមុទ្រអាត្លង់ទិក នៅជាប់ដែនសមុទ្រ Mauritania ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពដដែលបានឱ្យដឹងទៀតថា បំណែកនៃគ្រាប់រ៉ុក្កែតយក្ស Long March CZ-5B ដែលបានធ្លាក់មកលើផែនដីនោះ គឺមានប្រវែង ២៨ ម៉ែត្រ និងមានទម្ងន់រហូតដល់ទៅ ១៧,៨ តោន។ វាត្រូវបានផលិតឡើងដោយប្រទេសចិន ក្នុងគោលបំណង ដឹកជញ្ជូនសម្ភារ ក៏ដូចជាអវកាសយានិក ឡើងទៅឋានព្រះច័ន្ទ។
គួរជម្រាបផងដែរថា ចិនជាបានក្លាយជាប្រទេសដំបូងគេបង្អស់ ដែលបានបញ្ជូនយានស្រាវជ្រាវទៅកាន់ផ្ទៃងងឹតនៃឋានព្រះច័ន្ទ កាលពីខែមករាឆ្នាំ ២០១៩ ហើយវាក៏ជាបេសកម្មប្រវត្តិសាស្ត្រក្នុងវិស័យអវកាសចិនដែរ។ រហូតមកដល់ពេលនេះ ប្រទេសចិនបានខិតខំអភិវឌ្ឍកម្មវិធីអវកាសរបស់ខ្លួនជាបន្តបន្ទាប់ ដើម្បីសម្រេចមហិច្ឆតាកសាងស្ថានីយអវកាសផ្ទាល់ខ្លួន នៅអំឡុងទសវត្សរ៍ ២០២០៕
សូមទស្សនាវីដេអូខាងក្រោម៖