ថ្មីៗនេះប្រទេសជាច្រើនបានបន្ធូរបន្ថយវិធានការបង្ការ និងគ្រប់គ្រងជំងឺCOVID-19 ជាបណ្តើរៗដោយសារមានអ្នកជំងឺសះស្បើយច្រើន និងថមថយការរាលដាល។ សង្កេតឃើញបែបនោះ អង្គការសុខភាពពិភពលោក (WHO) នៅថ្ងៃទី ១១ ខែឧសភាកន្លងទៅ បានអំពាវនាវឲ្យបណ្តាប្រទេសនានាត្រូវរក្សាការប្រុងប្រយ័ត្នពីវីរុសដើម្បីចាត់វិធានការគ្រប់គ្រងឲ្យទាន់ពេល បើមានករណីឆ្លងជំងឺកើនឡើងវិញជាលើកទី២ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកTedros អគ្គនាយកអង្គការសុខភាពពិភពលោកបានថ្លែងក្នុងសន្និសីទសារព័ត៌មានតាមវីដេអូថា តាមការសង្កេតបានបង្ហាញឱ្យឃើញថា មានមនុស្សចំនួនតិចដែលមានអង្គបដិប្រាណវីរុស COVID-19 ក្នុងខ្លួន មានន័យថា មនុស្សភាគច្រើនងាយឆ្លងវីរុសប្រភេទនេះ។
អង្គការសុខភាពពិភពលោកបន្ថែមថា ខ្លួនកំពុងធ្វើកិច្ចសហប្រតិបត្តិការយ៉ាងស្អិតល្មួតជាមួយរដ្ឋាភិបាលនៃបណ្តាប្រទេសទាំងនោះ ដើម្បីធានានូវការអនុវត្តវិធានការសុខាភិបាលសាធារណៈជាគន្លឹះ ដើម្បីទប់ទល់នឹងបញ្ហាប្រឈមដែលបណ្តាលមកពីការបន្ធូរបន្ថយវិធានការបង្ការនិងគ្រប់គ្រង ។
ជាការកត់សម្គាល់ WHO ថា នៅមុនពេលផលិតបានវ៉ាក់សាំងប្រឆាំងវីរុស ការអនុវត្តវិធានការគ្រប់គ្រងដោយគ្រប់ជ្រុងជ្រោយជាវិធីសាស្រ្តដែលមានប្រសិទ្ធភាពបំផុត សម្រាប់ប្រយុទ្ធប្រឆាំងនឹងវីរុសនេះ ៕
Bong I.T