អតីតបុរសទាបបំផុតលើពិភពលោក បានត្រលប់មកគ្រងតំណែងជាលើកទីពីរ

កូឡុំប៊ី៖ អតីតបុរសទាបបំផុតលើពិភពលោក គឺលោក អ៊េតវើដ នីណូ ហឺនេនដេស មកពីប្រទេសកូឡុំប៊ី បានត្រលប់មកគ្រងតំណែងជាលើកទីពីរ ជាមួយនឹងកម្ពស់ប្រមាណ៧២សង់ទីម៉ែត្រ។ នេះជាការបញ្ជាក់របស់កំណត់ត្រាពិភពលោក Guinness កាលពីថ្ងៃទីអង្គារទី១២ ខែឧសភាម្សិលមិញ។

លោក អ៊េតវើដ បានជាប់ឈ្មោះជាបុរសទាបបំផុតក្នុងកំណត់ត្រាពិភពលោក ក្នុងខែមេសា ឆ្នាំ២០១០ ជាមួយនឹងកម្ពស់ប្រមាណ៧០សង់ទីម៉ែត្រ។ តែក្រោយមក តំណែងជាបុរសទាបបំផុតក៏បានធ្លាក់ទៅលើ លោក ខាចេនដ្រា ថាប៉ា ម៉ាហ្គា មកពីប្រទេសនេប៉ាល់ ដែលមានកម្ពស់ប្រមាណ៦៧សង់ទីម៉ែត្រ។

បើទោះជាយ៉ាងណាក៏ដោយ តំណែងជាបុរសទាបបំផុតមិនបានឈប់ត្រឹមនេះឡើយ ហើយវាក៏បានធ្លាក់ទៅលើបុរសមកពីប្រទេសនេប៉ាល់ម្នាក់ទៀត ដែលមានឈ្មោះថា លោក ចាន់ដ្រា បាហាដឺ ដាំងជី ដោយមានកម្ពស់ប្រមាណ៥៤សង់ទីម៉ែត្រប៉ុណ្ណោះ។

យ៉ាងណាមិញ ក្រោយពីបុរសមកពីប្រទេសនេប៉ាល់ទាំងពីរបានទទួលមរណភាពបាត់ទៅ តំណែងជាបុរសទាបបំផុតលើពិភពលោក បានធ្លាក់ទៅលោក អ៊េតវើដម្ដងទៀតក្នុងវ័យ៣៤ឆ្នាំ។

ទន្ទឹមនឹងនេះដែរ លោក អ៊េតវើដ បាននិយាយទៅកាន់កំណត់ត្រាពិភពលោក Guinness ថា៖

គួរឲ្យដឹងដែរថា លោក អ៊េតវើដ បានកើតក្នុងឆ្នាំ១៩៨៦ ដោយដំបូងឡើយ គាត់បានលូតលាស់ដូចក្មេងដទៃទៀតអីចឹងដែរ។ តែនៅពេលគាត់អាយុ៤ឆ្នាំ ការលូតលាស់មានភាពមិនប្រក្រតីដូចមុនទេ។ ឪពុកម្ដាយរបស់គាត់ បានស្វែងរកការព្យាបាលតាមបែបវេជ្ជសាស្ត្រ តែរយៈ២០ឆ្នាំក្រោយមក ទើបគាត់ត្រូវបានគេធ្វើរោគវិនិច្ឆ័យឃើញថា មានជំងឺក្រពេញទីរ៉ូអុីតធ្ងន់ធ្ងរ។ ហើយនេះជាហេតុដែលជះឥទ្ធិពលខ្លាំងទៅលើការលូតលាស់របស់គាត់៕

សូមទស្សនារូបភាពខាងក្រោម៖