កូនក្មេងមិនដូចមនុស្សធំទេ ក្តៅពិបាកទ្រាំបែបនេះ ងាយនឹងខ្វះជាតិទឹកបំផុត ម៉ាក់ប៉ាត្រូវដឹងពីមូលហេតុ រោគសញ្ញា និងវិធីបង្ការ ទើបអាចជួយកូនយើងបានទាន់ពេលវេលា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១- មូលហេតុ និងសញ្ញានៃការខ្វះជាតិទឹក
មានមូលហេតុច្រើនដែលបណ្តាលឲ្យកូនក្មេងខ្វះជាតិទឹកដែលយើងអាចបែងចែកជា កម្រិត ស្រាល មធ្យម និងធ្ងន់ធ្ងរ។ ក្នុងនោះមានការឡើងកម្តៅខ្លាំង ក្មេងៗញ៉ាំអីខុសធ្វើឲ្យរាករូស ឬក្អួត ញ៉ាំទឹកតិចឆ្លងមេរោគ ជាដើម នេះបើតាមការឲ្យដឹងពីលោកវេជ្ជបណ្ឌិត ចាន់ ស៊ីណេត ឯកទេសទូទៅ។
យើងអាចសម្គាល់ក្មេងៗខ្វះជាតិទឹកតាមរយៈរោគសញ្ញាមួយចំនួនខាងក្រោមនេះ៖
– នោមតិចខុសធម្មតា
– ស្ងួតស្បែក និងបបូរមាត់
– ទល់លាមក
– ស្រេកទឹកញឹកញាប់
– អស់កម្លាំងល្ហិតល្ហៃ
– ងងុយគេង
– ឈឺក្បាល វិលមុខ
– ភ្នែកខូង។
២- ធ្វើដូចម្តេចបើកូនខ្វះជាតិទឹក
ត្រូវបំពេញជាតិទឹកភ្លាមៗ ដោយឲ្យកូនញ៉ាំទឹកស្អាត ទឹកអូរ៉ាលីត និងពពួកផ្លែឈើដែលសម្បូរជាតិទឹក ដូចជា ក្រូច ឪឡឹក ត្រសក់ ល្ហុងជាដើម ហាមដាច់ខាតកុំឲ្យញ៉ាំភេសជ្ជៈកំប៉ុងផ្អែមៗដែលសម្បូរជាតិស្ករ និងហ្គាស។ ក្នុងករណីក្មេងតូចៗខ្វះជាតិទឹកធ្ងន់ធ្ងរអាចគ្រោះថ្នាក់ដល់ជីវិត ត្រូវប្រញាប់នាំទៅជួបគ្រូពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T