ហាណូយ៖ ក្រុងហាណូយកំពុងអនុវត្តដំណោះស្រាយចំនួន ៦ ចំណុចដើម្បីកែលំអចំណាត់ថ្នាក់ទីក្រុង នៅក្នុងសន្ទស្សន៍ភាពប្រកួតប្រជែងខេត្ត (PCI) ក្នុងឆ្នាំ ២០២០ និងរក្សាជំហររបស់ខ្លួននៅក្នុងចំណោមខេត្ត-ក្រុងកំពូលទាំង ១០ នៅក្នុងប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីក្រុងពាណិជ្ជកម្មមួយនេះត្រូវបានជាប់ចំណាត់ថ្នាក់ទី ៩ ក្នុងចំណោមខេត្ត-ក្រុងទាំង ៦៣ ក្នុងប្រទេសដោយ ចំណាត់ថ្នាក់ PCI ចុងក្រោយ (សម្រាប់ឆ្នាំ ២០១៩) ដែលត្រូវបានប្រកាសដោយសភាពាណិជ្ជកម្ម និងឧស្សាហកម្មវៀតណាម (VCCI) ។ ចំណាត់ថ្នាក់នេះមានភាពប្រសើរឡើង ៣,៤ ពិន្ទុបើធៀបនឹងឆ្នាំមុន។
ក្នុងឆ្នាំ ២០១៩ ទីក្រុងហាណូយមានចំណុចសំខាន់ចំនួន ៣ ក្នុងចំណោមខេត្ត-ក្រុងដែលមានសន្ទស្សន៍ខ្ពស់បំផុត ទាំង ១០ នៅក្នុងប្រទេសរួមមាន៖ សេវាកម្មគាំទ្រអាជីវកម្ម គោលនយោបាយបណ្តុះបណ្តាលការងារ និងការចូលទីផ្សារ។
ទន្ទឹមនឹងនេះសមាសធាតុ ៦ ផ្សេងទៀតក៏បានជាប់ចំណាត់ថ្នាក់កណ្តាលមានដូចជា៖ ការចំណាយពេលវេលាដែលស្ថិតនៅចំណាត់ថ្នាក់ទី ២១ ក្នុងចំណោម ៦៣, បរិយាកាសធុរកិច្ចប្រកបដោយតម្លាភាព និងព័ត៌មានអាជីវកម្មប្រកបដោយសមធម៌ស្ថិតនៅចំណាត់ថ្នាក់ទី ៣៦, ការចំណាយក្រៅផ្លូវការនៅចំណាត់ថ្នាក់ទី ៤១, ការទទួលបានដីនិងសន្តិសុខក្នុងបរិវេណអាជីវកម្មជាប់ចំណាត់ថ្នាក់ទី ៤១, ថ្នាក់ដឹកនាំខេត្តសកម្ម និងច្នៃប្រឌិតក្នុងការដោះស្រាយបញ្ហាសម្រាប់សហគ្រាសទទួលបាមចំណាត់ថ្នាក់ទី ៤៥ និងផ្នែកស្ថាប័នច្បាប់ បានជាប់ចំណាត់ថ្នាក់ទី ៤៥ ។
ទីក្រុងនេះនឹងខិតខំរក្សានូវសមិទ្ធិផលរបស់ខ្លួននៅក្នុងសន្ទស្សន៍ដែលមានចំណាត់ថ្នាក់ខ្ពស់ ខណៈពេលដែលការធ្វើឱ្យប្រសើរឡើងនូវសន្ទស្សន៍នៃសមាសធាតុនៅក្នុងចំណាត់ថ្នាក់កណ្តាលនិងចំណាត់ថ្នាក់ទាប មានភាពល្អប្រសើរជាងមុន។
ដំណោះស្រាយសំខាន់មួយគឺត្រូវពង្រឹងការកែទម្រង់នីតិវិធីរដ្ឋបាលតាមរយៈបច្ចេកវិទ្យាព័ត៌មាន និងលើកកម្ពស់ តម្លាភាព ដើម្បីកាត់បន្ថយការចំណាយពេលវេលានិងទាំងការចំណាយផ្លូវការនិងក្រៅផ្លូវការសម្រាប់សហគ្រាស ជាពិសេសក្នុងបរិបទនៃការងើបឡើងវិញនៃសេដ្ឋកិច្ចបន្ទាប់ពីការរីករាលដាលនៃជម្ងឺ COVID-១៩ ។
ទន្ទឹមនឹងនេះ ទីក្រុងនឹងត្រៀមសម្រាប់ឱកាសថ្មីពីរលកនៃការផ្លាស់ប្តូរវិនិយោគចេញពីប្រទេសចិន ដោយប្រទេសជាសមាជិក នៃកិច្ចព្រមព្រៀងពាណិជ្ជកម្មសេរីអឺរ៉ុប-វៀតណាម (EVFTA) និងកិច្ចព្រមព្រៀង ការពារវិនិយោគអឺរ៉ុប-វៀតណាម (EVIPA) ។
ទីក្រុងនឹងបន្តអនុវត្តគោលនយោបាយស្តីពីការអភិវឌ្ឍអាជីវកម្ម និងលើកទឹកចិត្តដល់អាជីវកម្មលក្ខណៈគ្រួសារ អោយមានការអវិវឌ្ឍន៍ខ្លួនឡើងដល់ក្រុមហ៊ុន រួមជាមួយការជម្រុញការចាប់ផ្តើមនិងការកែលម្អតាមរយៈ ការលើកទឹកចិត្តនិងការគាំទ្រក្នុងការទទួលបានព័ត៌មាននិងពង្រីកទីផ្សារ។ ហើយក៏នឹងលើកកម្ពស់តួនាទីរបស់ សមាគមធុរកិច្ចនិងពាណិជ្ជកម្មក្នុងការធ្វើអោយមានប្រជាប្រិយភាពគោលនយោបាយរដ្ឋបាលនិងការបញ្ជូន បញ្ហាដែលសហគមន៍អាជីវកម្មប្រឈមទៅអាជ្ញាធរ។
ប្រភព៖ Viet Nam News