ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានហាមមន្ត្រីនគរបាលអនុវត្តរឹតបន្តឹងច្បាប់ចរាចរណ៍ទាំងអស់ដាច់ខាតមិនត្រូវឃាត់អ្នកបើកបរ ដើម្បីត្រួតពិនិត្យឯកសារឡើយ លើកលែងតែមាន អំពើល្មើសជាក់ស្ដែងប៉ុណ្ណោះ ដូចជាមិនមានស្លាកលេខ មិនពាក់មួកសុវត្ថិភាព មិនពាក់ខ្សែក្រវ៉ាត់ ...។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឯកឧត្តមថា៖ «ហាមមន្ត្រីនគរបាលអនុវត្តរឹតបន្តឹងច្បាប់ចរាចរណ៍ទាំងអស់ ដាច់ខាតមិនត្រូវឃាត់អ្នកបើកបរ ដើម្បីត្រួតពិនិត្យឯកសារឡើយ លើកលែងតែមានអំពើល្មើសជាក់ស្ដែងប៉ុណ្ណោះ ដូចជាមិនមានស្លាកលេខ មិនពាក់មួកសុវត្ថិភាព មិនពាក់ខ្សែក្រវ៉ាត់…»។ នេះជាប្រសាសន៍របស់ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ។
ជាការកត់សម្គាល់ មុនមានការលើកឡើងរបស់ឯកឧត្តម នេត សាវឿន យ៉ាងដូច្នេះធ្វើ គេសង្កេតឃើញមួយ រយៈ កន្លងទៅ មានមតិយោបល់ផ្សេងៗគ្នាពីសំណាក់អ្នកប្រើប្រាស់បណ្តាញសង្គម ដោយបង្ហាញនៅក្តីព្រួយបារម្ភអំពី ការឃាត់អ្នកបើកបរដើម្បីត្រួតពិនិត្យឯកសារពីសមត្ថកិច្ចចរាចរណ៍។ ក្នុងនោះ អ្នកមួយចំនួនបានលើកឡើងថា៖ «ប៉ូលិសចេះតែហៅអ្នកបើកបរមកត្រួតពិនិត្យឯកសារ ប្រៀបដូចជាវិធានការរដ្ឋបាល»។
គួររំឭកថា កន្លងមកស្នងការដ្ឋាននគរបាលក្រុងភ្នំពេញបានបញ្ជាក់ថា នឹងប្រើប្រាស់កម្លាំងជាង១ពាន់នាក់ ដើម្បីចេញប្រតិបត្តិការអនុវត្តរឹតបន្តឹងស្តីពីច្បាប់ចរាចរណ៍ផ្លូវគោក ដែលគ្រោងបានចាប់ផ្តើមនៅថ្ងៃទី០១ ខែឧសភា ឆ្នាំ២០២០ នៅក្នុងក្រុងភ្នំពេញ ចំនួន ៤៧គោលដៅ អនុវត្តទាំងយប់ទាំងថ្ងៃ សំដៅកាត់បន្ថយអត្រាគ្រោះថ្នាក់ចរាចណ៍។ នេះជាការផ្សាយជាសាធារណៈ ពីសំណាក់អគ្គស្នងការដ្ឋាននគរបាលជាតិនាល្ងាចថ្ងៃ ២៨ មេសា កន្លងទៅ។
បើតាមអាជ្ញាធរ ការអនុវត្តរឹតបន្តឹងច្បាប់ចរាចរណ៍ផ្លូវគោកនេះ អ្នកបើកបរល្មើសច្បាប់ចរាចរណ៍នឹងរងពិន័យទឹកប្រាក់ពី៣ដងដល់ទៅ៥ដងទៅតាមបទល្មើស។ ការផាកពិន័យ គឺមិនធ្វើនៅកន្លែងអនុវត្តនោះឡើយ តែត្រូវបញ្ជូនយានយន្តល្មើសទៅកន្លែងធ្វើការរបស់សមត្ថកិច្ចដែនៅជិតបំផុត និងរក្សាទុក០៣ថ្ងៃសិន ទើបឱ្យម្ចាស់ចូលខ្លួនទៅបង់ប្រាក់ពិន័យតាមច្បាប់៕