អតីតខ្សែប្រយុទ្ធរបស់ក្លឹប Tottenham Hotspur កីឡាករ Darren Bent បានជម្រុញឱ្យអតីតក្លឹបរបស់ខ្លួននាំយកខ្សែបម្រើ Ryan Fraser របស់ក្លឹប Bournemouth ដោយគ្មានតម្លៃខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សFraser នឹងផុតកុងត្រាជាមួយ Bournemouth នាបញ្ចប់រដូវកាលនេះ ដែលនឹងធ្វើឱ្យរូបគេក្លាយជាកីឡាករគ្មានតម្លៃខ្លួន (Free Transfer) ខណៈរូបគេក៏មិនទាន់ទទួលបានសំណើណាមួយពីក្លឹបណាមួយឡើយ។
ថ្លែងប្រាប់ Football Insider អតីតខ្សែប្រយុទ្ធជម្រើសជាតិអង់គ្លេស Darren Bent បានបញ្ជាក់បន្ថែមថា បច្ចុប្បន្ន Spurs មាន Heung-min Son នៅស្លាបខាងស្តាំ និង Harry Kane នៅកណ្តាល ចំណែកឯ Fraser អាចលេងនៅស្លាបស្តាំ ប្រជែងជាមួយ Lucas Moura បាន។
វាអាចជាការចុះកុងត្រាដ៏អស្ចារ្យមួយ ប្រសិនជាក្លឹបអាចចុះកុងត្រាយក Fraser ដោយគ្មានតម្លៃខ្លួន។ កីឡាករជម្រើសជាតិស្កុតឡែន វ័យ ២៦ឆ្នាំរូបនេះ ធ្លាប់ត្រូវបានក្លឹប Arsenal តាមចែចូវជាច្រើនលើកច្រើនសារ ប៉ុន្តែត្រូវបានក្លឹប Bournemouth បដិសេធ៕
ប្រភព៖ Goal