ឡូយអស់ស្ទះ! Justin និង Ariana Grande ចេញបទថ្មីរួមគ្នា ពញ្ញាក់អារម្មណ៍ហ្វេនមិនស្ទើរទេ (មានវីដេអូ)

បរទេស៖ ពិតណាស់ថា តារាចម្រៀង Justin Bieber និង Ariana Grande គឺជាតារាល្បីលំដាប់ជួរមុខ នៅក្នុងវិស័យសិល្បៈ ដោយពួកគេ​ បានតែងតែនិពន្ធ បទចម្រៀងជារឿយដោយ មិនឲ្យអ្នកគាំទ្រអាក់អនស្រពន់ចិត្តឡើយ។

ជាការពិតណាស់ តារាទាំងពីរដួងនេះ មិនមែនត្រឹមតែជាសិល្បៈករ សិល្បការនី ដែលគ្រាន់តែស្គាល់គ្នាធម្មតាឡើយ គឹពួកគេជា មិត្តភក្តិដ៏ស្និទ្ធស្នាលនឹងគ្នា ថែមទៀតផង ដោយកន្លងមក ពួកគេទាំងពីរនាក់ តែងតែបង្ហាញការគាំទ្រនិង ការស្រលាញ់គ្នា ទៅវិញទៅមកជានិច្ចផងដែរ។

ជាក់ស្តែង ប៉ុន្មានម៉ោងមុននេះ តារាប្រុស ស្រីទាំងពីរដួងនេះបាន បញ្ជេញបទចម្រៀងច្រៀងរួមគ្នា ក្នុងគេហទំព័រយូធូប មានចំណងជើងថា «Stuck With You» ដែលជារឿងរ៉ាវក្នុងសង្គមបច្ចុប្បន្ន និយាយអំពី ជីវិតគ្រួសារដែលស្នាក់នៅផ្ទះជាមួយគ្នា ព្រោះតែវីរុសកូរ៉ូណា កំពុងតែវាយលុកខ្លាំង រឹតតែពិសេសជាងនេះទៅ វីដេអូចម្រៀងមួយនេះ គឺបានដាក់បញ្ជូលទាំងវីដេអូ អ្នកគាំទ្រចូលក្នុងបទនេះទៀតផង ដូច្នេះ អ្នកអាចនឹង មានវត្តមាននៅក្នុង MV មួយនេះក៏ថាបាន។

គួររម្លឹកដែរថា បច្ចុប្បន្ននេះ Justin Bieber មានអ្នកSubscribe ៥៣.៨លាននាក់ និង Ariana Grande មានអ្នកSubscribe ៤០.៨ លាននាក់ ដែលជាចំនួនដែលច្រើនបំផុត នៅក្នុងប្រវិត្តសាស្ត្រសិល្បៈករ សិល្បៈការនីក្នុងគេហទំព័រយូធូប ៕

សូមចូលមើលវីដេអូនិង រូបភាពខាងក្រោម៖