អ៊ីតាលី៖ អ៊ីតាលីចាប់ផ្តើមបើកប្រទេសឡើងវិញនៅថ្ងៃចន្ទ ទី ៤ ខែឧសភានេះ បន្ទាប់ពីមានការបិទជាង ២ខែដោយសារវីរុសកូរ៉ូណា ហើយឥលូវនេះមានពលរដ្ឋអ៊ីតាលីប្រមាណ ៤,៤ លាននាក់អាចត្រឡប់ទៅធ្វើការវិញ និងការរឹតបន្តឹងលើការធ្វើដំណើរក៏មានការបន្ធូរបន្ថយផងដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការកត់សម្គាល់ គ្រាន់តែប្រទេសអ៊ីតាលីចាប់ផ្តើមបញ្ចប់ការបិទប្រទេស នៅថ្ងៃច័ន្ទទី ៤ ខែឧសភានេះភ្លាម គូស្វាមីភរិយាបានថើបគ្នា ដោយបង្ហាញនូវក្តីនឹករឭកបន្ទាប់ពីប្រទេសខ្លួនបានបានបិទជាង២ខែ ខណៈរយៈពេលនោះម្នាក់ៗត្រូវនៅដោយឡែកពីគ្នា។
ចំណែក សម្ព័ន្ធភាពនៃមេដឹកនាំពិភពលោកប្រារព្ធកិច្ចប្រជុំកំពូលនៅថ្ងៃច័ន្ទ ជាមួយគោលដៅនៃការផ្ដល់ជំនួយ រាប់ពាន់លានដុល្លារ ដើម្បីមូលនិធិស្រាវជ្រាវជ្រាវជ្រាវសម្រាប់វ៉ាក់សាំងការពារការឆ្លង និងព្យាបាលវីរុសកូរ៉ូណា ព្រមទាំងអភិវឌ្ឍវិធីព្យាបាលថ្មី និងការធ្វើតេស្ត៍កាន់តែប្រសើរ ។
គណៈកម្មការអឺរ៉ុប បានរៀបចំព្រឹត្តិការណ៍ពីស្នាក់ការរបស់ខ្លួននៅទីក្រុង Brussels ក្នុងនាមជាអ្នកតំណាង មេដឹកនាំមកពីជុំវិញពិភពលោក ។ លោកស្រី Ursula von der Leyen ប្រធានគណៈកម្មការបាន និយាយថាពិភពលោកត្រូវតែចំណាយធនធានរបស់ខ្លួន ដើម្បីចាប់ផ្តើមធ្វើការលើការស្រាវជ្រាវវ៉ាក់សាំង ការវិនិច្ឆ័យ និងការព្យាបាលប្រឆាំងនឹងវីរ៉ុសកូរ៉ូណា។
មនុស្សនៅក្នុងប្រទេសជាច្រើនទូទាំងពិភពលោក និង ជាពិសេសនៅអឺរ៉ុប នៅសប្តាហ៍នេះ ពិតជាត្រឡប់ទៅធ្វើការវិញ ប៉ុន្តែអាជ្ញាធរនៅតែបារម្មណ៍ និងប្រុងប្រយ័ត្ននឹងការផ្ទុះឡើងវិញជាលើកទីពីរនៃវីរុសកូរ៉ូណា។