ភ្នំពេញ៖ កាលពីថ្ងៃទី១៧ ខែមេសា ឆ្នាំ២០២០ កន្លងទៅនេះ គ្រឹះស្ថានមីក្រូហិរញ្ញវត្ថុ អម្រឹត បានចុះហត្ថលេខាទទួលហិរញ្ញប្បទានរយៈពេល ៣ឆ្នាំ ក្នុងទំហំទឹកប្រាក់ សរុបចំនួន ៥០លានដុល្លារសហរដ្ឋអាមេរិកពី ធនាគារកាថេ យូណៃធីត ហៅកាត់ថា «CUB» ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រតិបត្តិការនេះ គឺជាសមិទ្ធផលមួយ ដែលកើតឡើងចំពេលដំណាលគ្នាជាមួយវីរ៉ុសកូវីដ១៩ និងសង្គ្រាមតម្លៃប្រេង រុស្ស៊ីជាមួយអារ៉ាប៊ីសាអូឌីត។
ធនាគារ កាថេ យូណៃធីត ហៅកាត់ថា «CUB» បានដើរតួជាយ៉ាងសំខាន់ ក្នុងការ ជួយជ្រោមជ្រែងផ្តល់ហិរញ្ញប្បទាននេះ និងដោយមានការចូលរួមពីស្ថាប័នហិរញ្ញវត្ថុសំខាន់ៗផ្សេងទៀតនៅអាស៊ី ដែលនេះសបញ្ជាក់អំពីគុណភាពឥណទាន និងភាពរឹងមាំរបស់អម្រឹត។ ធនាគារកាថេ យូណៃធីត គឺជាជម្រើសដៃគូសហការមួយរបស់ អម្រឹត សម្រាប់តម្រូវការហិរញ្ញប្បទាននាពេលអនាគត។
លោក ដុស ឌីន អគ្គនាយក នៃគ្រឹះស្ថានមីក្រូហិរញ្ញវត្ថុ អម្រឹត បានបញ្ជាក់ថាដូច្នេះថា៖
បច្ចុប្បន្ននេះ មានអតិថិជន ជាងកន្លះលាននាក់កំពុងប្រើប្រាស់សេវាកម្មរបស់អម្រឹត ក្នុងនោះរួមមានកសិករ ដែលមានប្រាក់ចំណូលទាប រហូតដល់ សហគ្រាសខ្នាតតូចនិងមធ្យម ដែលប្រើប្រាស់សេវាឥណទាន សេវាប្រាក់បញ្ញើ និងសេវាកម្មផ្សេងៗ។ អម្រឹត មានសាខាចំនួន១៥៨ នៅទូទាំងប្រទេស ជាមួយបណ្តាញឌីជីថលជាច្រើនប្រភេទ។
អម្រឹត មានបុគ្គលិកជាង ៤.៥០០ នាក់ មានទ្រព្យសកម្មជាង ១ពាន់លានដុល្លារសហរដ្ឋអាមេរិក និងមានប្រាក់បញ្ញើសរុបជាង ៥០០ លានដុល្លារសហរដ្ឋអាមេរិក។ អម្រឹត គឺជាក្រុមហ៊ុនបុត្រសម្ព័ន្ធ របស់ Advans Group ដែលជាក្រុមហ៊ុនវិនិយោគលើវិស័យមីក្រូហិរញ្ញវត្ថុអន្តរជាតិឈានមុខគេមួយ ក្នុងការផ្តល់សេវាកម្មហិរញ្ញវត្ថុ ទៅកាន់ប្រជាជនដែលមានប្រាក់ចំណូលទាប និងសហគ្រាសធុនតូចនិងមធ្យម នៅ ១០ប្រទេស ក្នុងពិភពលោក ។ FMO និង IFC គឺជាភាគទុនិកធំ២ទៀត ដែលមានទ្រព្យសកម្ម រាប់ពាន់លានដុល្លារសហរដ្ឋអាមេរិក។
ធនាគារ កាថេយូណៃធីត គឺជាធនាគារឈានមុខគេមួយនៅអាស៊ី។ គិតត្រឹមថ្ងៃទី ៣១ ខែធ្នូ ឆ្នាំ២០១៩ ធនាគារមានទ្រព្យសកម្មសរុបជាង ៩៩ ពាន់លានដុល្លារសហរដ្ឋអាមេរិក និងអតិថិជនជាង ៩ លាននាក់។ ធនាគារ កាថេយូណៃធីត មានសាខាជាច្រើននៅក្រៅប្រទេស រួមមានប្រទេសចិន វៀតណាម កម្ពុជា ហុងកុង សិង្ហបុរី ម៉ាឡេស៊ី ឡាវ ហ្វីលីពីន ថៃ មីយ៉ាន់ម៉ា និងឥណ្ឌូនេស៊ី៕