ប្រទេសថៃបានរាយការណ៍ថា មានអ្នកឆ្លងកូវីដ ១៩ ថ្មី ០១នាក់ និងមិនមានអ្នកស្លាប់នោះទេ

ថៃ៖ ប្រទេសថៃនៅថ្ងៃអង្គារនេះបានរាយការណ៍ពីករណីឆ្លងវីរុសថ្មីមាន០១នាក់ និងគ្មានអ្នកស្លាប់ថ្មីដែលជាចំនួនអ្នកឆ្លងថ្មីទាបបំផុតចាប់តាំងពីថ្ងៃទី ៩ ខែមីនា។ ករណីនេះបានកើតឡើងដោយបុរសជនជាតិថៃ អាយុ ៤៥ ឆ្នាំមកពីខេត្ត Narathiwat ភាគខាងត្បូងប្រទេស។

Taweesin Wisanuyothin បាននិយាយថា ចំនួនអ្នកឆ្លងថ្មីបានថយចុះក្នុងរយៈពេល ២សប្តាហ៍ចុងក្រោយនេះ លើកលែងតែមួយក្រុមនៅមជ្ឈមណ្ឌលឃុំឃាំងជនអន្តោប្រវេសន៍នៅភាគខាងត្បូងប្រទេសថៃដែលមានករណីថ្មីចំនួន ៦០ នៅក្នុងរយៈពេលនោះ។

ចាប់តាំងពីការផ្ទុះឡើងនៅប្រទេសថៃបានចាប់ផ្តើមនៅក្នុងខែមករាប្រទេសនេះមានករណីឆ្លងវីរុសសរុបចំនួន ២.៩៨៨ ករណី និងមានអ្នកស្លាប់ចំនួន ៥៤ នាក់។ Taweesin បាននិយាយថាអ្នកជំងឺចំនួន ២.៧៤៧ នាក់បានជាសះស្បើយ ខណៈពេលដែល ១៨៧ នាក់កំពុងសម្រាកព្យាបាលនៅមន្ទីរពេទ្យ។

សិល្បៈករម្នាក់ដែលពាក់របាំងការពារមុខពេលសម្តែងនៅឯទីសក្ការៈបូជា Erawan បន្ទាប់ពីរដ្ឋា ភិបាលបានចាប់ផ្តើមបើកភោជនីយដ្ឋានមួយចំនួននៅខាងក្រៅផ្សារទំនើប ឧទ្យាន និងរង្គសាលក្នុងកំឡុងពេលមានការផ្ទុះឡើងនៃជំងឺកូរ៉ូណា (កូវីដ ១៩) នៅទីក្រុងបាងកកប្រទេសថៃ ថ្ងៃទី ៤ ខែឧសភា ឆ្នាំ ២០២០៕