ហុងកុងបានប្រកាសប្រជុំដើម្បីចងសម្ព័ន្ធភាព និងស្ដារសេដ្ឋកិច្ចឡើងវិញ

ហុងកុង៖ ការសហការឧបត្ថម្ភរួមគ្នាដោយអ្នកតំណាងចំនួន ១.៥៤៥ នាក់នៃផ្នែកផ្សេងៗនៃសង្គម ហុងកុងត្រូវបានបង្កើតឡើងនៅថ្ងៃអង្គារនេះក្នុងគោលបំណងបង្រួបបង្រួមសហគមន៍ និងស្វែងរកផ្លូវចេញពីស្ថានភាពបច្ចុប្បន្នសម្រាប់ហុងកុង។

សម្ព័ន្ធភាពហុងកុងដែលមានអតីតនាយកប្រតិបត្តិតំបន់រដ្ឋបាលពិសេសហុងកុងចំនួន ២ គឺលោក  ទុង ឈីវ និងលោក លាង ជុនយីង ជាអនុប្រធាននៃគណៈកម្មាធិការជាតិនៃសន្និសីទពិគ្រោះយោបល់នយោបាយប្រជាជនចិន ជាប្រធានកោះប្រជុំបានប្រកាសបើកដំណើរការនៅសន្និសីទសារព័ត៌មាននៅព្រឹកថ្ងៃអង្គារនេះ។

ក្រុមចម្រុះបានចេញសេចក្តីប្រកាសរួមមួយដោយអំពាវនាវឱ្យមានការលើកស្ទួយ “ប្រទេសមួយប្រព័ន្ធពីរ” និងជួយហុងកុងជម្នះការលំបាក និងចាប់ផ្តើមម្តងទៀត។

ទីក្រុងហុងកុងត្រូវការផ្លាស់ប្តូរការធ្លាក់ចុះសេដ្ឋកិច្ចតាមរយៈការគាំទ្រដល់សេដ្ឋកិច្ចដែលកំពុងជួបការលំបាក និងការការពារការងារ។ វាក៏ត្រូវប្រកាន់ខ្ជាប់នូវតម្លៃស្នូលនៃនីតិរដ្ឋនិងការបង្រួបបង្រួមសាមគ្គីភាពរបស់ប្រជាជនដែលមានទស្សនៈនយោបាយខុសៗគ្នា និងពីគ្រប់មជ្ឈដ្ឋានដើម្បីចេញពីស្ថានភាពលំបាកនាពេលបច្ចុប្បន្ន។

សម្ព័ន្ធនេះគ្រោងនឹងរៀបចំសកម្មភាពជាបន្តបន្ទាប់ដែលទីមួយនឹងត្រូវចែកចាយរបាំងមុខចំនួន  ១០ លានសន្លឹកដល់ប្រជាជននៅទូទាំងទីក្រុងហុងកុងនៅចុងសប្តាហ៍ខាងមុខនេះ៕