កណ្ដាល ៖ ជនរងគ្រោះ ជិត ៣០នាក់ ភាគច្រើនជាចាស់ៗ បានរងរបួសធ្ងន់ស្រាល ក្នុងគ្រោះថ្នាក់ចរាចរណ៍ ក្រឡាប់រថយន្ដ កូរ៉េ ១គ្រឿង ដែលបានកើតឡើង នៅ វេលាម៉ោងប្រមាណ ៣រសៀល ថ្ងៃទី០៩ ខែមេសា ឆ្នាំ ២០១៣ នេះ ស្ថិតនៅលើ កំណាត់ផ្លូវជាតិលេខ ១ ក្នុងឃុំបន្ទាយដែក ស្រុកកៀនស្វាយ ខេត្ដកណ្ដាល ខណៈដែល ជនរងគ្រោះទាំងអស់ កំពុងធ្វើដំណើរត្រឡប់មកពី ការបងប្អូន នៅខេត្តស្វាយរៀង ។
នាយផ្នែកនគរបាល ចរាចរណ៍ស្រុក កៀនស្វាយ ខេត្ដកណ្ដាល លោក រ៉ា បាន ថ្លែងឱ្យដឹងថា ពិតជាមានគ្រោះថ្នាក់ចរាចរ ក្រឡាប់រថយន្ដកូរ៉េ ពិតប្រាកដមែន ប៉ុន្ដែ មិនទាន់ដឹងពីចំនួន អ្នករងរបួសនៅឡើយ ទេ ដោយសារតែនៅពេលនេះ កម្លាំងនគរ បាលចរាចររបស់លោក បាន ធ្វើដំណើរទៅជួយអន្ដរាគមន៍ នៅកន្លែងកើត ហេតុ ។
បើតាមមន្ដ្រីនគរបាលចរាចររូប នេះ គ្រោះថ្នាក់ចរាចរ ដែលបង្កឡើងដោយ ខ្លួនឯង គឺបានកើតឡើង នៅពេលដែលជន រងគ្រោះ ភាគច្រើនជាមនុស្សចាស់ កំពុងត្រឡប់មកពីការបងប្អូន នៅខេត្តស្វាយរៀង ឆ្ពោះត្រឡប់មកស្រុកំណើតនៅស្រុកកណ្តាលស្ទឹង ដែលមានអ្នកបើករថយន្ត ឈ្មោះ ហ៊ូរ៉ា អាយុជាង៤០ឆ្នាំ រស់នៅភូមិកន្ទោក ស្រុកកណ្តាលស្ទឹង ខេត្តកណ្តាល។
បើតាមសមត្ថកិច្ច មុនពេលកើតហេតុ ខណៈរថយន្តកំពុងធ្វើដំណើរ ស្រាប់តែដល់ចំណុចកើតហេតុ ក៏ជួបម៉ូតូមួយគ្រឿង បត់ឆ្លងផ្លូវ ហើយរថយន្តបូងចង្កូច ក៏ក្រឡាប់តែម្តង៕
ដោយ ដើមអម្ពិល
ផ្តល់សិទ្ធដោយ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]