តាមពិតទៅ ផោម គឺជាឧស្ម័នម៉្យាងដែលត្រូវបានបញ្ចេញចេញមកពីក្នុងខ្លួនយើងតែប៉ុណ្ណោះ។ នៅពេលដែលយើងទទួលទានអាហារ ឬផឹកភេសជ្ជៈនានា របស់ទាំងនោះតែងតែមានភ្ជាប់មកនូវឧស្ម័នមកជាមួយវា ហើយឧស្ម័នទាំងនោះត្រូវបានទើរនៅត្រឹមពោះរបស់យើង ដូច្នេះវាមានវិធីចេញ មកតែពីរប៉ុណ្ណោះ គឺការភើចេញ ឬផោម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឧស្ម័នមួយចំនួនទៀត ដូចជា មេតាន កាបូនឌីអុកស៊ីត និងអ៊ីដ្រូសែន ត្រូវបានបង្កើតឡើងនៅអំឡុងពេលនៃការរំលាយអាហារ។ ឧស្ម័នទាំងនេះក៏ត្រូវការចេញមកក្រៅនោះដែរ ដូច្នេះមូលហេតុដែលពួកយើងម្នាក់ៗផោម គឺគ្មានអ្វីគួរឲ្យព្រួយបារម្ភនោះឡើយ ព្រោះវាគឺជារឿងធម្មតានៅក្នុងរាងកាយរបស់យើងតែប៉ុណ្ណោះ។ ប៉ុន្តែពេលខ្លះ ការផោមក៏អាចជាសញ្ញាបញ្ជាក់ថា អ្នកជិតដល់ពេលដែលត្រូវទៅបន្ទប់ទឹក។
អ្នកខ្លះមានចម្ងល់ថា ហេតុអ្វីទើបបានជាផោម ពេលខ្លះមិនសូវមានក្លិន តែពេលខ្លះបែរជាមានក្លិនខ្លាំង។ កត្តានេះ គឺបណ្ដាលមកពីបរិមាណឧស្ម័ននៅក្នុងអាហារដែលអ្នកទទួលទានតែប៉ុណ្ណោះ។ ចំពោះអាហារណាដែលមានផ្ទុកឧស្ម័នដូចដែលបានរៀបរាប់ខាងលើច្រើន នោះផោមរបស់អ្នក នឹងកាន់តែមានក្លិនអាក្រក់ឡើង។ ប៉ុន្តែសូមចាំថា វាគឺជារឿងធម្មជាតិប៉ុណ្ណោះ ដូច្នេះមិនបាច់ខ្មាសអៀននៅពេលដែលអ្នកផោមនោះឡើយ។
វិធីដែលអាចជួយឲ្យអ្នកផោមតិចជាងមុន៖
១. អ្នកត្រូវទទួលទានអាហារសន្សឹមៗ ដើម្បីឲ្យអ្នកទំពារបានម៉ត់ល្អ នោះការរំលាយអាហារក្នុងក្រពះរបស់អ្នកនឹងប្រព្រឹត្តិទៅដោយសម្រួល ដោយមិនត្រូវការបង្កើតឧស្ម័នច្រើនឡើយ។
២. ជៀសវាងការទទួលទានស្ករកៅស៊ូ និងភេសជ្ជៈដែលមានជាតិហ្គាសច្រើន។
៣. ធ្វើលំហាត់ប្រាណឲ្យបានច្រើន ព្រោះវាអាចជួយដល់ដំណើរការនៃការរំលាយអាហាររបស់អ្នក និងកាត់បន្ថយនូវឧស្ម័នក្នុងរាងកាយរបស់អ្នក៕
ប្រភព៖ CBC