ហុងកុង៖ ខ្សែរភាពយន្តរឿង «Young And Dangerous» គឺប្រភេទរឿងដែលនិយាយអំពីទំនាក់ទំនងនិង ការប្រយុទ្ធគ្នារវាងបក្សពួកបងធំបងតូច ដែលបានកើតឡើងក្នុងសង្គម ដោយមានតួសម្តែងល្បីបានចូលរួមសម្តែងមានដូចជា Ekin Cheng Chin Kalok Jordan Chan Micheal Tseនិង Jerry Lamb ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ខ្សែរភាពយន្តមួយនេះ បានទទួលការគាំទ្រយ៉ាងខ្លាំង លើសពីការរំពឹងទុក្ខពីសំណាក់បងប្អូនដែលនិយមគាំទ្រវិស័យភាពយន្តផងដែរ មិនតែប៉ុណ្ណោះ ខ្សែភាពយន្តអាចរកចំណូលបានរាប់ពាន់លានផងដែរ ដាក់ចូលក្នុងហោប៉ៅផងដែរ។
ដោយឡែកក្រោយមកតារាប្រុសទាំងនេះ ដែលនិយមដើរតួជាក្រុមជនអន្តពាល ក៏បានចាប់ដៃគ្នាសម្តែងភាពយន្តដែលមានចំណងជើងថា «Golden Job» ជាមួយគ្នាវិញ ដោយពេលវេលាកន្លងផុតទៅរយៈកាល២០ឆ្នាំហើយដែលពួកគេខកខានសម្តែងភាពយន្តជាមួយគ្នា ដោយសារកន្លងមកផលិតករមិនបានបង្កើតសាច់រឿងថ្មីៗ។
ទោះបីយ៉ាងណាក៏ដោយ សម្រស់តារាសម្តែងទាំងនេះ ហាក់បីដូចជាមិនបានផ្លាស់ប្តូរខ្លាំងណាស់ណាឡើយ ទោះបីជាពេលវេលាកន្លងផុតទៅជិត២០ឆ្នាំក្តី ដែលធ្វើឲ្យមហាជនមានភាពភ្ញាក់ផ្អើលយ៉ាងខ្លាំង៕