Travis Scott ស្រលាញ់សង្សារម្ល៉េះ? គ្រាន់តែKylie Jenner និយាយបែបនេះសោះ

បរទេស៖ ថ្មីៗនេះតារាចម្រៀងរ៉េបស្បែកខ្មៅ Travis Scott បានបង្កការភ្ញាក់ផ្អើលដល់ហ្វេនជាច្រើន ដោយតារាប្រុសរូបបានទាញឡាន Bugati សេរ៊ីថ្មីមកជិះនិង រោទិ៍ពេញទីក្រុង ដោយសារតែសង្សារបណ្តូលចិត្ត ស្រលាញ់ស្មើកែវភ្នែក Kylie Jenner និយាយថា ស្រលាញ់​ Travis Scott ជារៀងរហូត នៅក្នុងថ្ងៃខួបកំណើតរបស់តារាប្រុសរូបនេះផ្ទាល់តែម្តង។

ជាការពិតណាស់ ប៉ុន្មានខែនេះ ទោះបីជាគូស្នេហ៍ទាំងគូរនេះ មិនសូវជាបង្ហាញភាពផ្អែមល្ហែមដូចមុនក្តី ដោយសារជម្លោះរវាងពួកគេ ធ្វើឲ្យតារាចម្រៀងស្បែកខ្មៅសញ្ជាតិអាមេរិករូបនេះ រៀបបង្វេចចេញពីផ្ទះ Kylie Jenner តែម្តង ប៉ុន្តែទោះបីជាមានរឿងដូច្នេះក្តី ក៏គូស្នេហ៍មួយគូនេះ មិនបានបែកគ្នាទៅមានអ្នកថ្មីឡើយ ដោយក្តីស្រលាញ់ពួកគេនៅតែមានចំពោះគ្នាដដែលមិនប្រួលប្រែឡើយ។

នេះមិនមែនជារឿងប្លែកឡើយ ដែល ម្ចាស់បទ «Highest In The Room» រូបនេះតែងតែធ្វើដូច្នេះ ដោយសារតែរូបគេជាមនុស្សមិនចូលចិត្តលាក់លៀម ក្តីស្រលាញ់ទៅកាន់ Kylie Jennerឡើយ ដោយកន្លងមកគូស្នេហ៍មួយគូនេះតែងតែឈ្លោះគ្នាញឹកញាប់ខ្លាំងណាស់ ប៉ុន្តែមិនយូរប៉ុន្មានពួកគេក៏ត្រលប់មកទាក់ទងគ្នាវិញដដែល៕