ថៃ៖ តារាសម្ដែងប្រុសដ៏ល្បីឈ្មោះប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ ដែលប្រិយមិត្តធ្លាប់បានស្គាល់តាមរយៈការសម្ដែងក្នុងរឿង ព្រះម៉ែនាគី លោក Ken Phupoom ត្រូវបានចាត់ទុកថាជាអ្នកសម្ដែងដ៏ប៉ិនប្រសប់ម្នាក់ ហើយថែមទាំងមានរូបសម្បត្តិស្រស់សង្ហាទៀតផង ជាហេតុធ្វើឲ្យមានហ្វេនៗគាំទ្រលោកជាច្រើន។ នៅរាល់ពេលដែលលោកបង្ហោះរូបនៅលើគណនី Instagram ម្ដងៗ អ្នកគាំទ្រតែងតែចូលទៅខមមិនសរសើរលោកមិនលោះពេលឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែពេលនេះ នៅពេលដែលលោកបង្ហោះរូបភាពថ្មីមួយនៅលើគណនី Instagram ហ្វេនៗរបស់លោកលែងសូវសរសើរលោកដូចមុនទៀតហើយ ប៉ុន្តែពួកគេនាំគ្នាបាញ់លោកយ៉ាងចាស់ដៃតែម្ដង។ រូបដែលលោកបង្ហោះចុងក្រោយគេនោះ គឺជារូបភាពដែលលោកអង្គុយក្រោមដើមឈើ ប៉ុន្តែលោកបានដាក់ក្បាលចូលទៅក្នុងគុម្ពឈើ ជាហេតុធ្វើឲ្យគេមើលឃើញតែដងខ្លួនរបស់លោក មួយកំណាត់ត្រឹមកចុះក្រោមតែប៉ុណ្ណោះ ដោយអមជាមួយនឹងចំណងជើងថា៖ "កំពុងរកអ្វីញ៉ាំ!"។ គ្រាន់តែរូបនេះត្រូវបានបង្ហោះភ្លាម ហ្វេនៗរបស់លោកបានចូលទៅខមមិនបែបឌឺដងទៅកាន់រូបភាពនោះភ្លាម ដោយការលើកឡើងខុសៗគ្នាថា៖ "មើលមួយភ្លែតស្មានតែព្រាយដើមឈើ!" "នៅផ្ទះយូរពេកទើបក្លាយទៅជាបែបនេះ!" "អាការៈមើលទៅ គួរឲ្យបារម្ភណាស់!" "អាវ! ជាបក្សីឬ? ស្មានតែជាស្វា!" ជាដើម។
ប៉ុន្តែលោកមិនបានប្រតិកម្មតបតទៅនឹងការឌឺដងទាំងនេះឡើយ ព្រោះវាគ្រាន់តែជាការលេងសើចកម្សាន្តរបស់អ្នកគាំទ្រលោកតែប៉ុណ្ណោះ៕
សូមទស្សនារូបភាពខាងក្រោម៖