ថៃ៖ តារាសម្ដែងថៃ លោក Boy Pisanu បើទោះបីជាពេលនេះលោកមានវ័យរាងជ្រេបន្តិចក៏ដោយ ក៏ប៉ុន្តែលោកនៅតែរក្សារូបរាងបានសង្ហា មាំទាំ និងជាទីចាប់អារម្មណ៍សម្រាប់អ្នកគាំទ្រដដែល។ ដោយហេតុនេះហើយ ទើបបានជាមានអ្នកលួចយករូបថតរបស់លោក ទៅបង្កើតគណនីក្លែងក្លាយនៅលើកម្មវិធីមួយ ដើម្បីស្វែងរកគូ ដែលគេស្គាល់ថា កម្មវិធី Tinder។ ក្នុងនោះ គណនីក្លែងក្លាយដែលគេបានយករូបថតរបស់លោកទៅប្រើប្រាស់ មិនមានជាគណនីស្វែងរកគូក្នុងតំបន់ប្រទេសថៃឡើយ ប៉ុន្តែវាគឺជាគណនីសម្រាប់តំបន់ប្រទេសចិន ហុងកុង និងតៃវ៉ាន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីជៀសវាងការយល់ច្រឡំតទៅទៀត ពេលនេះសាមីខ្លួន លោក Boy Pisanu បានចេញមុខបកស្រាយហើយអំពីរឿងមួយនេះ ដើម្បីជៀសវាងបញ្ហាធំនៅពេលក្រោយ ដោយលោកបានបង្ហោះសារមួយនៅលើគណនី Instagram អមជាមួយ Screenshot របស់គណនីក្លែងក្លាយមួយនោះ ដែលមានខ្លឹមសារដូចតទៅ៖ ខ្ញុំមិនបានលេង Tinder ទេ មានអ្នកសួរខ្ញុំច្រើនណាស់ ទាំងអ្នកនៅថៃ និង តៃវ៉ាន់ មានអ្នកលួចយករូបរបស់ខ្ញុំទៅប្រើប្រាស់ក្លែងក្លាយតែប៉ុណ្ណោះ! អ្នកលួចនោះអាចនឹងជាជនជាតិតៃវ៉ាន់ ឬអ្វី ខ្ញុំមិនសូវច្បាស់ទេ ព្រោះឃើញមានសរសេរអក្សរចិន!! ប្រយ័ត្នផងអ្នកទាំងអស់គ្នា។
ហេតុការណ៍មួយនេះ ក៏អាចជាការដាស់តឿនទៅដល់អ្នកដែលនិយមប្រើប្រាស់កម្មវិធីស្វែងរកគូ ដូច ជា Tinder ជាដើមឲ្យមានការប្រុងប្រយ័ត្ន ដោយសារតែពួកកម្មវិធីទាំងនេះសម្បូរទៅដោយមនុស្សដែលប្រើប្រាស់រូបថតក្លែងក្លាយ ដូច្នេះវាអាចនឹងបង្កគ្រោះថ្នាក់ខ្លាំងដល់អ្នកប្រើប្រាស់ បើមានការធ្វេសប្រហែសសូម្បីតែបន្តិច៕
សូមទស្សនារូបភាពខាងក្រោម៖