ប្រទេសជួបបញ្ហា តារាសម្តែងហុងកុងទាំងនេះ យល់ព្រមធ្វើរឿងនឹកស្មានមិនដល់មួយ

ហុងកុង៖ ស្របពេល​ដែល វិស័យ​ភាព​យន្ត​ ​កំពុងតែ​ប្រឈម​មុខ​នឹង​ កាលៈទេសៈដ៏លំបាក ​បន្ទាប់​ពី​ មេរោគ​ឆ្លង​ដ៏សាហាវ​រួចមក ពេល​នេះ​ គេឃើញ​មាន​ កំពូល​សិល្បករ ​របស់​ហុងកុងទាំង​​នេះ ​បាន​ប្រកាស​កាត់​បន្ថយ​ ថ្លៃ​ខ្លួន​ថត​រឿង ​ដើម្បី​សម្រួល​បន្ទុក​ ដល់​ផលិតករ​។ ​

ជាក់​ស្តែង ​ក្នុង​ចំណោម​តារាប្រុស​ល្បីៗ​ ដែល​ប្រកាស​ទម្លាក់​តម្លៃខ្លួន ​ថត​រឿង​ទាំង​នោះ​ក៏​មាន​ តារាសម្តែង​ប្រុស​Andy Lau មួយ​រូប​ផងដែរ។ សម្រាប់​ខែ​ថ្មី​នេះ ​ខ្សែភាពយន្ត​ដែល​មាន​ចំណង​ជើងថា​ «Sacred Seven» នឹង​ចាប់​ផ្តើម​ដំណើរ​ការ​ថត ​ជា​ផ្លូវការ​ហើយ។ ហើយ​សម្រាប់ ​គម្រោង​នេះ Andy Lau ក៏​បាន​សម្រេច​ចិត្ត ​កាត់​បន្ថយ​ប្រាក់​ខែ​របស់​ខ្លួន ​ចំនួន​២០ភាគ​រយ ដើម្បី​ចែក​រំលែក​ដល់ ​ក្រុមការងារ​ទាំង​អស់​គ្នា​។

យ៉ាង​ណាមិញ​ ​ក្រៅពី​Andy Lau គេក៏​ឃើញមាន​តារាប្រុស​ល្បីៗ ​ជា​ច្រើន​ផ្សេង​ទៀត​ដូច​ជា​Mark Chao កាត់បន្ថយតម្លៃខ្លួន ចំនួន៤០ ភាគរយ ហើយAaron Kwok យល់​ព្រម​កាត់​បន្ថយ ​តម្លៃ​ខ្លួន​ចំនួន៣០ ភាពរយ ក្នុង​គម្រោង​រឿង​ថ្មី​ របស់​លោកនេះ។ រីឯចំណែក​Gordon Lam ដើម្បី​បង្ហាញ​ពី​ទឹក​ចិត្ត ​ចង់​ចែក​រំលែក​ដល់ក្រុម​ការងារ ​ក៏​ដូច​ជា​ផលិតករ​នោះ ​តារាប្រុស​រូប​នេះ ក៏​បាន​សម្រេច​ចិត្ត ​ចូល​រូម​ថតខ្សែភាពយន្ត​ថ្មីនេះ​​ ដោយ​មិន​យក​ប្រាក់​ផងដែរ៕

១. Andy Lau

២. Mark Chao

៣. Aaron Kwok

៤. Gordon Lam