កម្ពុជា៖ នៅប្រមាណពីរសប្ដាហ៍ចុងក្រោយនេះ ក្រសួងសុខាភិបាលបានចេញសេចក្ដីជូនព័ត៌មានបញ្ជាក់ពីការធ្លាក់ចុះនៃចំនួនអ្នកជាសះស្បើយពីជំងឺកូវីដ១៩ និងមិនមានករណីឆ្លងថ្មីដែលជាការសារទរមួយសម្រាប់ប្រទេសកម្ពុជាក្នុងការប្រយុទ្ធប្រឆាំងនឹងជំងឺមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែងបើយើងត្រួតពិនិត្យក្នុងគេហទំព័រ Worldometers.info ដែលបានធ្វើបច្ចុប្បន្នភាពអំពីចំនួនអ្នកឆ្លង អ្នកស្លាប់ និងអ្នកកំពុងសម្រាកព្យាបាលជំងឺកូវីដ១៩នៅគ្រប់ប្រទេសជុំវិញពិភពលោក យើងអាចឃើញថាប្រទេសកម្ពុជាបច្ចុប្បន្ន (ថ្ងៃទី០២ ខែឧសភា) កំពុងមានអ្នកជំងឺតិចជាងគេបង្អស់ក្នុងចំណោមប្រទេសដែលមានអ្នកឆ្លងជំងឺនេះ [ដោយមិនរាប់បញ្ចូលដែនដីកោះដែលមិនមែនជារដ្ឋឯករាជ្យដូចជាGreenlandជាដើម]។
នៅថ្ងៃទី០២ ខែឧសភានេះ អ្នកជំងឺម្នាក់ទៀតដែលសម្រាកព្យាបាលនៅខេត្តព្រះសីហនុ ជាខេត្តមានអ្នកឆ្លងជំងឺកូវីដ១៩ដំបូងគេបង្អស់នៅកម្ពុជាក៏បានជាសះស្បើយ ហើយធ្វើអោយខេត្តនេះមិនមានអ្នកជំងឺសម្រាកព្យាបាលទៀតនោះទេ។
គួរបញ្ជាក់ផងដែរថា នៅក្នុងប្រទេសកម្ពុជាមានអ្នកបានឆ្លងជំងឺកូវីដ១៩ទាំងអស់សរុបចចំនួន ១២២នាក់ និងបានព្យាបាលជាសះស្បើយចំនួន១២០នាក់(៩៨,៣៦ភាគរយ) ដោយមិនមានអ្នកស្លាប់ក្នុងចំនួនអ្នកជាសះស្បើយទាំងអស់មានមានជនជាតិខ្មែរចំនួន៤៩នាក់ និងជនជាតិបរទេសចំនួន៧១នាក់ បើយោងតាមសេចក្ដីជូនព័ត៌មានរបស់ក្រសួងសុខាភិបាលកម្ពុជានៅថ្ងៃ ០២ ឧសភានេះ។
យ៉ាងណាក្ដីក្រសួងសុខាភិបាល ក៏ដូចជារាជរដ្ឋាភិបាលនៃព្រះរាជាណាចក្រកម្ពុជានៅតែជម្រុញ និងសំណូមពរអោយប្រជាពលរដ្ឋទាំងអស់បន្តអនុវត្តអនាម័យជាប្រចាំ រក្សាគម្លាតសង្គម និងបន្តនៅផ្ទះបើសិនមិនមានការចាំបាច់ ដើម្បីធានាថាមិនមានករណីឆ្លងថ្មីនៅពេលខាងមុខ។
សូមអានសេចក្ដីជូនព័ត៌មានរបស់ក្រសួងសុខាភិបាលនៅខាងក្រោមនេះ ដើម្បីអោយកាន់តែជ្រាបច្បាស់៖