ទេព បូព្រឹក្ស ចេញស្ទីលថ្មីទៀតហើយ ព្រមជាមួយនឹងបំណងប្រាថ្នាសម្រាប់ដើមខែឧសភា

ភ្នំពេញ៖ ពេលរំឭកដល់ ទេព បូព្រឹក្ស ម្ដងៗ អ្នកគាំទ្រដែលតែងតាមដានគណនី Instagram របស់តារាចម្រៀងដ៏ល្បីរូបនេះប្រាកដជាដឹងច្បាស់ហើយថា ទេព បូព្រឹក្ស តែងតែអាប់ដេតស្ទីលរបស់ខ្លួនជាប្រចាំ ដែលសុទ្ធសឹងតែជាស្ទីលប្លែកៗរហូត រហូតដល់អ្នកគាំទ្រតាមស្ទើរមិនចង់ទាន់។

សម្រាប់ដើមខែឧសភានេះ កញ្ញា ទេព បូព្រឹក្ស បានចេញមុខនៅលើគណនី IG ជាមួយនឹងស្ទីលប្លែកថ្មីទៀតហើយ ព្រមទាំងបានបង្ហើបឲ្យអ្នកគាំទ្របានដឹងពីបំណងប្រាថ្នារបស់ខ្លួនសម្រាប់ខែថ្មីនេះទៀត។

ក្នុងនោះ កញ្ញា ទេព បូព្រឹក្ស បានសរសេរសារអមជាមួយនឹងរូបភាពនៅលើគណនី IG របស់ខ្លួនថា៖" Hello 1st May! Please bring me a big house hahahaha dream.... (សួស្តីថ្ងៃទី ០១ ឧសភា! សូមនាំមកឲ្យខ្ញុំនូវផ្ទះថ្មី ហាហាហា ក្តីសុបិន្ដ....)"

តាមរយៈសារនេះ គេអាចដឹងបានថា តារាចម្រៀងស្រីរូបនេះ ប្រាថ្នាចង់បានផ្ទះធំមួយ ដែលឋិតក្នុងក្ដីសុបិន្ដរបស់នាង។ ដូច្នេះ អ្នកគាំទ្រមានតែសុំជូនពរឲ្យក្ដីសុបិន្តរបស់នាងក្លាយជាការពិតទៅចុះ៕

សូមទស្សនារូបភាពខាងក្រោម៖