ថៃ៖ បន្ទាប់ពីខ្សែភាពយន្តភាគថៃ រឿង Klin Kasaslong បានបញ្ចប់ទៅ តារាសម្ដែងស្រីជួរមុខប្រចាំប្រទេសថៃ Yaya Urassaya ហាក់បីដូចជាមានសភាពស្ងប់ស្ងាត់ខ្លាំងក្នុងវិស័យសិល្បៈ ដោយក្នុងឆ្នាំ២០២០នេះ នាងប្រហែលជាមិនមានរឿងភាគថ្មី ដែលនឹងត្រៀមចាក់បញ្ចាំងនៅលើកញ្ចក់ទូរទស្សន៍ប៉ុស្តិ៍លេខ៣ឡើយ។ ចំណែកឯខ្សែភាគយន្តភាគថ្មីរឿង Lay Kinnry ដែលនាងកំពុងតែសម្ដែងជាគូជាមួយនឹងគូស្នេហ៍ Nadech Kugimiyas នោះ កំពុងតែស្ថិតនៅក្នុងការថត ហើយគ្រោងនឹងចាក់បញ្ចាំងនៅឆ្នាំ២០២១ឯណោះ។ ដោយហេតុនេះហើយ ទើបអ្នកគាំទ្ររបស់តារាសម្ដែងស្រីរូបនេះ មានការនឹករឭកនាងជាខ្លាំង និងចង់ឃើញស្នាដៃសិល្បៈរបស់នាងឆាប់ៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីរំសាយអារម្មណ៍រឭករបស់ហ្វេនៗ ពេលនេះ Yaya Urassaya បានបង្ហោះវីដេអូឃ្លីបខ្លីមួយ នៅលើគណនី Tiktok ជាប្រភេទវីដេអូដែលហ្វេនៗបានឃើញហើយ ធានាថាបាត់នឹក ហើយសើចរឹងពោះជាមួយនឹងអាយដលរបស់ខ្លួនជាក់ជាមិនខាន។ នៅក្នុងវីដេអូនោះ Yaya បានសម្ដែងជាកាយវិការនូវសម្លេងរបស់កូនក្មេងម្នាក់ ជាភាសាថៃឥសាន្ត ដែលមានអត្ថន័យថា៖ "ហេឡូសម្លាញ់ចិត្ត កំពុងធ្វើអីហ្នឹង ដឹងទេថាឥឡូវនេះខ្ញុំនឹកអ្នកទៀតហើយ នឹកចង់ដាច់ខ្យល់ហើយ"។ អ្វីដែលសំខាន់ Yaya បានឆ្លៀតធ្វើទឹកមុខក្រមិចក្រមើមទៀត ជាហេតុធ្វើឲ្យវីដេអូនោះកាន់តែមិនធម្មតា ពោលគឺផ្អើលអស់មារសត្រូវតែម្ដង៕
បើចង់ជ្រាបច្បាស់ សូមទស្សនាវីដេអូខាងក្រោម៖