សំងំនៅតែផ្ទះទេ តែហ្វេសសិនរបស់ Bella Ranee គឺកប់សេរីតែម្ដង

ថៃ៖ មួយរយៈពេលចុងក្រោយនេះ តារាសិល្បៈថៃគ្រប់រូប មិនថាតែតារាសម្ដែង ឬចម្រៀងនោះទេ ត្រូវផ្អាកនូវសកម្មភាពសិល្បៈរបស់ខ្លួនស្ទើរតែទាំងស្រុង ដោយសារវិបត្តិកូវីដ១៩ ដែលតម្រូវឲ្យរដ្ឋាភិបាល ថៃដាក់ប្រទេសខ្លួនក្នុងគ្រាអាសន្ន ហាមប្រាមការប្រមូលផ្ដុំគ្នា និងការធ្វើដំណើរដែលមិនចាំបាច់។ ដូច្នេះ ទើបតារាថៃទាំងនោះ ត្រូវនាំគ្នាសំងំនៅផ្ទះជាបណ្ដោះអាសន្នសិន រង់ចាំរហូតទាល់តែដល់ពេលដែលបម្រាមត្រូវបានដកទៅវិញ ទើបអាចត្រឡប់មកបំពេញការងារសិល្បៈជាប្រក្រតីវិញ។

ប៉ុន្តែសម្រាប់តារាស្រីល្បីឈ្មោះប្រចាំស្ថានីយ៍ប៉ុស្តិ៍លេខ៣ Bella Ranee វិញ ថ្វីត្បិតតែនាងសំងំនៅផ្ទះមែនពិត ប៉ុន្តែនាងមិនមែនចេះតែស្លៀកឈុតដេក ឬឈុតខោអាវសាមញ្ញៗដូចគេផ្សេងឡើយ ពោល​គឺតារាស្រីរូបនេះតែងតែរក្សាហ្វេសសិនប្រចាំខ្លួនរបស់នាងឲ្យនៅជាប់ជានិច្ច។ ក្នុងនោះ គ្រប់រូបភាពដែលនាងបង្ហោះនៅលើគណនី Instagram អាចបញ្ជាក់ឲ្យឃើញថា នាងតែងតែផ្លាស់ប្ដូរម៉ូតសម្លៀកបំពាក់បែបស៊ីវីល័យជាប្រចាំ មិនឲ្យអ្នកគាំទ្រធុញទ្រាន់នឹងឈុតសម្លៀកបំពាក់ដដែលៗនោះឡើយ។ មិនត្រឹមតែប៉ុណ្ណោះ ឈុតសម្លៀកបំពាក់ទាំងនោះ បានជួយលើកសម្រស់របស់នាងឲ្យកាន់តែស្រស់ស្អាតថែមមួយកម្រិតទៀត សក្តិសមឈ្មោះជាតារាស្រីជួរមុខប្រចាំប្រទេសថៃមែន៕

សូមទស្សនារូបភាពខាងក្រោម៖