ប្អូនថ្លៃរបស់ Mew Nittha ត្រូវបាន​គេសង្ស័យ​មាន​ទំនាក់​ទំនង​​ជាមួយ​តារា​ប្រុសរូប​នេះ

ថៃ៖ អ្នកដែលបានទស្សនាខ្សែភាពយន្តភាគថៃ រឿង Fak Fah Kiri Daw ដែលកំពុងចាក់បញ្ចាំងលើកញ្ចក់ទូរទស្សន៍ប៉ុស្តិ៍លេខ៣ ច្បាស់ជាបានស្គាល់ហើយនូវតារាប្រុសជំនាន់ក្រោយរូបសង្ហា In Sarin ក្នុងការសម្ដែងជាតួអង្គ គីរី។ ថ្មីៗនេះ នៅលើបណ្ដាញអ៊ិនធឺណែត មានការលេចឮនូវព័ត៌មានដ៏ល្បីសុះសាយមួយថា តារាប្រុសរូបនេះកំពុងមានទំនាក់ទំនងស្នេហាជាមួយនឹងកម្លោះហាយសូ Tie Vassuvat ដែលត្រូវជាប្អូនថ្លៃរបស់តារាស្រីឈ្មោះល្បី Mew Nittha។

អ្នកលេងអ៊ិនធឺណែតក៏បានធ្វើការចែករំលែករូបភាពជាច្រើនរបស់អ្នកទាំងពីរ ដែលបានចេញទៅដើរកម្សាន្តខាងក្រៅរួមគ្នាទៀតផង។ អ្នកលេងអ៊ិនធឺណែតទាំងនោះថែមទាំងបានសរសើរពីភាពសក្តិសមគ្នារវាងអ្នកទាំងពីរទៀតផង។

ប៉ុន្តែពេលនេះ ស្រាប់តែសាមីខ្លួន លោក In Sarin បានចេញមុខបកស្រាយថា អ្នកទាំងពីរគ្រាន់តែជាមិត្តភក្តិដែលរាប់អានគ្នាតាំងពីរយូរមកហើយតែប៉ុណ្ណោះ មិនមែនមានទំនាក់ទំនងស្នេហាជាមួយគ្នានោះឡើយ៕

សូមទស្សនារូបភាពខាងក្រោម៖

ប្រភព៖ TeeNee