ដឹងអត់ថា ហេតុអ្វីបានជាការហែលទឹកជាលំហាត់ប្រាណល្អសម្រាប់ស្រ្តីមានផ្ទៃពោះ?

មែនហើយ វាពិតជាមិនអីទេក្នុងការហែលទឹកបើសិនជាអ្នកមានផ្ទៃពោះសុខភាពល្អ។ គ្រូពេទ្យជាច្រើនតែងណែនាំស្រ្តីដែលមានសុខភាពល្អក្នុងពេលមានផ្ទៃពោះឲ្យហាត់ប្រាណខ្លះ។ ការហែលទឹកអាចជាជម្រើសដ៏ល្អមួយសម្រាប់លំហាត់ប្រាណក្នុងពេលមានផ្ទៃពោះ ៣០នាទីក្នុងមួយថ្ងៃ។ ប៉ុន្តែបើសិនការហែលទឹកជារឿងថ្មីសម្រាប់អ្នក ចូរពិគ្រោះជាមួយគ្រូពេទ្យ ឬឆ្មបសិន។ ការហែលទឹកគឺជារឿងល្អពិសេសសម្រាប់ស្រ្តីមានផ្ទៃពោះ ដោយសារតែទឹកអាចជួយទ្រទ្រង់ទម្ងន់ដែលកំពុងតែលើសបាន។ វាអាចជារឿងល្អមួយ ជាពិសេសក្នុងត្រីមាសទីបីតែម្តង។ 

ការហែលទឹកគឺជាលំហាត់ប្រាណល្អមួយក្នុងពេលមានផ្ទៃពោះដោយសារតែ៖

1. ជួយរក្សាភាពសមសួនរបស់រាងកាយ
2. ធ្វើឲ្យមានអារម្មណ៍កាន់តែល្អចំពោះការប្រែប្រួលរបស់រាងកាយ
3. បន្ថយការចាញ់កូន
4. ពង្រឹងដល់របត់ឈាមរត់
5. បង្កើនមុខងារបេះដូង និងសួត
6. បង្កើនកម្លាំងសាច់ដុំ និងភាពរឹងមាំ
7. បំបាត់ការហើមកែងជើង និងប្រអប់ជើង
8. រំលាយជាតិខ្លាញ់ ជួយដល់ការគ្រប់គ្រងទម្ងន់
9. ជំរុញដល់ការគេងកាន់តែល្អ
10. បំបាត់អារម្មណ៍នឿយហត់
11. បំបាត់ការឈឺចាប់
12. ជួយឲ្យមានភាពត្រជាក់
13. ពង្រឹងដល់ការសម្រាលកូនផង៕