អាមេរិក៖ ទឹកជ្រោះ នៀហ្គារ៉ា គឺជាទឹកជ្រោះដ៏ធំបំផុតក្នុងពិភពលោក ដែលស្ថិតនៅចន្លោះជាយដែនសហរដ្ឋអាមេរិក និងកាណាដា។ ទឹកជ្រោះនេះហូរមកពីបឹងអុីរី ចាក់ចូលទៅបឹងអុងតារីយ៉ូ ទឹកជ្រោះនេះបែងចែកជាពីរផ្នែកគឺ ប៉ែកខាងឆ្វេងនៃកោះកាណាដា ដែលមានទឹកធ្លាក់ជារូបទ្រនាប់ជើងសត្វសេះ មានកម្ពស់ ៥១ម៉ែត្រ និងមានទំហំធំ ដែលធ្វើឲ្យទឹកធ្លាក់ចុះពីទីខ្ពស់មានទំហំធំ ដែលបង្កើតបានជាអ័ព្ទ និងចំហាយទឹកគួរឲ្យចង់គយគន់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយតំបន់នេះត្រូវគេហៅថា ទឹកជ្រោះកាណាដា ឬ ទឹកជ្រោះដែកក្រចកសេះ ចំណែកនៅប៉ែកខាងស្ដាំនៃកោះអាមេរិក គឺជាបរិវេណផ្នែកខាងក្រោមដែលមានទឹកធ្លាក់ជារង្វង់ព្រះខែ ដែលមានកម្ពស់ ៥៣ ម៉ែត្រ។ ហើយទឹកជ្រោះនេះត្រូវបានគេហៅថាទឹកជ្រោះ អាមេរិក និងជាប់ឈ្មោះជាទឹកជ្រោះដែលស្អាតជាងគេក្នុងពិភពលោក។ បច្ចុប្បន្តទឹកជ្រោះ នៀហ្គារ៉ា បានទាក់ទាញភ្ញៀវទេសចរណ៍ជុំវិញពិភពលោកឲ្យទស្សនាយ៉ាងច្រើនផងដែរ៕
បើចង់ជ្រាបច្បាស់ថាទឹកជ្រោះ នៀហ្គារ៉ា ស្រស់ស្អាតយ៉ាងណា សូមទស្សនារូបភាពខាងក្រោម៖