តារាស្រីថៃរូបនេះ ត្រូវអ្នកលេងអ៊ិនធឺណែតម្នាក់​ដៀល​កប់ៗ​មាត់​ ដោយ​សារ​នាង​បានធ្វើរឿងមួយ

ថៃ៖ នៅសម័យបច្ចុប្បន្ននេះ បណ្ដាញសង្គមគឺជាវិធីទំនាក់ទំនងដ៏មានប្រសិទ្ធិភាពមួយ ដែលមនុស្សអាច​ប្រើប្រាស់​ក្នុងការប្រាស្រ័យទាក់ទងគ្នាដើម្បីចែករំលែកពីពត៌មាន ឬអារម្មណ៍នានា។ ប៉ុន្តែការប្រើប្រាស់បណ្ដាញសង្គម មាន Facebook, Instagram ឬ Twitter នេះក៏មិនប្រាកដថាសុទ្ធសឹងតែផ្ដល់មកនូវផលល្អរហូតដែរ។ ពេលខ្លះ មនុស្សបានប្រើប្រាស់វាជ្រុលហួសព្រំដែន រហូតដល់បង្កទៅជាជម្លោះ ឬការប្រមាថមើលងាយ ប៉ះពាល់ដល់​កិត្តិយសរបស់អ្នកដទៃជាដើម។

ថ្លែងពីតារាសម្ដែង និងចម្រៀងថៃ Bitoey Suteewan រូបនេះវិញ នាងបានទទួលរងនូវការវាយប្រហារយ៉ាង​ចាស់ដៃ​ពីសំណាក់អ្នកលេងអ៊ិនធឺណែតម្នាក់ ទាំងដែលនាងមិនបានធ្វើអ្វីខុសធ្ងន់នោះឡើយ។ រឿងរ៉ាវកើតឡើង នៅពេលនាងចូលទៅខមមិនលើរូបថតរបស់ Lydia Sarunrath ដែលត្រូវជាមិត្តភក្តិជិតស្និទ្ធិរបស់ខ្លួន ដោយ​ក្នុងរូបនោះ Lydia បានធ្វើការបង្ហោះរូបជាមួយនឹងកូនៗទាំងពីររបស់ខ្លួន បន្ទាប់ពីទើបចាកចេញពីមន្ទីរពេទ្យថ្មីៗ។

នៅក្នុងខមមិនមួយនោះ នាងបានសរសេរដាក់ថា៖ "នឹកក្មួយៗណាស់!" ប៉ុន្តែស្រាប់តែមានអ្នកលេង​អ៊ិនធឺណែតម្នាក់បានចូលទៅឆ្លើយតបដោយប្រើប្រាស់ពាក្យមិនគប្បីថា៖ "ពូកែខាងល្បិចណាស់"។ នេះគឺជាការរិះគន់ដ៏មិនសមហេតុផលមួយ ទើបធ្វើឲ្យអ្នកគាំទ្រជាច្រើនបាននាំគ្នាឆ្លើយតបទៅវិញ ក្នុងបំណងការពារ Bitoey និងបានណែនាំឲ្យបុគ្គលម្នាក់នោះប្រើប្រាស់ពាក្យសម្ដីឲ្យបានសមរម្យ បើទោះបីជាខ្លួនចូលចិត្ត ឬមិនចូលចិត្ត Bitoey ក៏ដោយ៕

ប្រភព៖ TeeNee