កាណាដា៖ មិត្តអ្នកអានប្រហែលជាធ្លាប់ស្គាល់ កញ្ញា Avril Lavigne ជាតារាចម្រៀង អ្នកនិពន្ធចម្រៀង និងជាតារាសម្ដែងជនជាតិកាណាដារូបស្រស់មួយរូបដ៏មានប្រជាប្រិយភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្ងៃចន្ទ តារាចម្រៀងវ័យ ៣៥ ឆ្នាំរូបស្រស់ កញ្ញា Avril Lavigne បានចែករំលែកវីដេអូគួរឱ្យអស់សំណើចមួយអំពីខ្លួនឯងដែលកំពុង live វីដេអូក្នុងការសម្តែងបទ It was In Me។ ស្រាប់តែដល់ពាក់កណ្តាលនៃវីដេអូនោះ នាងត្រូវមិត្តរបស់នាងឈ្មោះ Lauren Bates ចូលមកក្នុងកាមេរ៉ាដោយមិនដឹងខ្លួន ខណៈពេលដែលគាត់កំពុងរៀបចំសម្អាតប្រអប់ក្នុងបន្ទប់មួយទៀត។
អ្វីដែលទប់សំណើចមិនបាននោះគឺ នាង Lauren បានមកអង្គុយមើលមកកាមេរ៉ាដែលកញ្ញា Avril កំពុងតែថត ក្នុងសភាពមិនដឹងខ្លួនថាកញ្ញាកំពុងតែ live ហើយនាងអង្គុយផឹកទឹក ដកដង្ហើមមួយៗទំនងដូចជាហត់។ ពេលនោះ ឮកញ្ញា Avril ផ្ទុះសំណើចលាន់មាត់ថា “ខ្ញុំអាចឃើញអ្នក”។ នាង Lauren ភ្ញាក់ដឹងខ្លួនក៏សួរបញ្ជាក់ទៅកញ្ញា Avril ថា “មែនឬ? នេះឯងកំពុងថតមែនទេ? អូ! លោកព្រះ” រួចក៏ស្ទុះងើបចូលទៅក្នុងបន្ទប់វិញភា្លម។
Avril បានសារភាពថានាងមិនទាន់បាត់អស់សំណើចទេនៅពេលមើលវីដេអូខ្លួនឯងមួយនេះម្តងៗ ហើយវាជាថ្ងៃទី ៤២ ដែលពួកគេសំងំខ្លួនក្នុងផ្ទះជាមួយគ្នា (Avril's Day 42 Quarantine)៕
សូមទស្សនារូបភាព និងវីដេអូខាងក្រោម៖
ប្រភព៖ Avril Lavigne - It Was In Me | Live Instagram