ថៃ៖ នៅក្នុងសម័យកូវីដ១៩នេះ Tiktok បានក្លាយទៅជាកម្មវិធីដ៏ពេញនិយមបំផុតមួយសម្រាប់តារាថៃ ក្នុងការថតវីដេអូលេងកម្សាន្ត និងដើម្បីផ្ញើជាចំណីអារម្មណ៍ទៅដល់អ្នកគាំទ្ររបស់ខ្លួន នៅខណៈដែលពេលសកម្មភាពសិល្បៈភាគច្រើនត្រូវបានផ្អាកជាបណ្ដោះអាសន្នស្ទើរតែទាំងអស់ហើយនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្លែងពីតារាស្រីដ៏ល្បីឈ្មោះតាមរយៈការសម្ដែងជាតួអង្គការៈកេតនៅក្នុងរឿង បុព្វេសន្និវាស Bella Ranee ក៏បានបង្កើតគណនី Tiktok មួយលេងនឹងគេនោះដែរ។ ប៉ុន្តែអ្វីដែលសំខាន់គេកម្រឃើញតារាស្រីរូបនេះបង្ហោះវីដេអូរាំរែកបែបស៊ិចស៊ីដូចតារាស្រីមួយចំនួនផ្សេងទៀតណាស់។ វីដេអូដែលនាងថតបង្ហោះភាគច្រើន គឹសុទ្ធសឹងតែជាវីដេអូបែបខ្យូតៗ គួរឲ្យស្រឡាញ់ តែបើក្រឡេកមើលទៅចំនួនអ្នកទស្សនា និងអ្នកចូលចិត្តវិញ ទើបដឹងថាមិនធម្មតា។ ក្នុងចំណោមវីដេអូទាំងអស់នោះ មានវីដេអូមួយដែលមានចំនួនអ្នកទស្សនាដល់ទៅ ៦លានដង និងវីដេអូផ្សេងៗទៀតដែលមានចំនួនអ្នកទស្សនាប្រមាណ ១-២លានដង ឬខ្ទង់សែនដង។
នេះបង្ហាញឲ្យឃើញថា ទស្សនិកជនមិនមែនចូលចិត្តតែអ្វីៗបែបស៊ិចស៊ីរហូតនោះទេ។ ពេលខ្លះ ការធ្វើខ្លួនបែបសាមញ្ញៗ តែគួរឲ្យស្រឡាញ់ក៏អាចទាក់ចិត្តអ្នកគាំទ្របានយ៉ាងច្រើនសន្ធឹកសន្ធាប់នោះដែរ៕
សូមទស្សនារូបភាពខាងក្រោម៖