តារាចម្រៀងស្រីសម្លេងធ្ងន់ប្រចាំផលិតកម្មរស្មីហង្សមាស កញ្ញា វី ឌីណែត ដែលគេស្គាល់ច្បាស់ថាជាកូនស្រីរបស់សិល្បកររៀមច្បង លោក ហួរ ឡាវី ពេលនេះកំពុងឡើងកូដខ្លាំង តាមរយៈការចេញនូវបទចម្រៀងផ្ទុះៗជាច្រើន និងការលេចមុខនៅក្នុងខ្សែភាពយន្តភាគរបស់ស្ថានីយទូរទស្សន៍ហង្សមាស រឿងរាជបុត្រកង្កែប។ បើតាមការសង្កេតមើលកន្លងមក តារាស្រីរូបនេះមិនដែលបង្ហោះអ្វីទាក់ទងជាមួយនឹងរឿងរ៉ាវស្នេហាឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីមួយរយៈមុន មានការការយល់ច្រឡំពីសំណាក់អ្នកគាំទ្រថា កញ្ញាអាចនឹងមានទំនាក់ទំនងស្នេហាជាមួយតារាចម្រៀងលោក នី រតនា ប៉ុន្តែពាក្យចចាមអារ៉ាមនោះត្រូវបានបញ្ចប់ ក្រោយលោក នី រតនា បានចូលរោងការជាមួយនឹងកូនក្រមុំដ៏ស្រស់ស្អាតមួយរូប។
ប៉ុន្តែស្រាប់តែពេលនេះ កញ្ញា វី ឌីណែត បានបង្ហោះរូបថតនៅលើគណនី Instagram របស់ខ្លួន ជាប្រភេទរូបគូស្នេហ៍ជាមួយនឹងបុរសម្នាក់ ដោយអមជាមួយនឹងសារមួយថា៖ "Thank for always stay by my side (អរគុណដែលតែងនៅក្បែរខ្ញុំ)"។ បុរសម្នាក់នោះទំនងអាចជាគូស្នេហ៍របស់តារាស្រីស្រស់សោភារូបនេះ ប៉ុន្តែគួរឲ្យសោកស្ដាយ កញ្ញាបានយកស្ទិកឃើបិទមុខបុរសរូបនោះទៅហើយ ទើបយើងមិនអាចមើលដឹងថា បុរសដ៏មានសំណាងរូបនោះគឺជានរណា។ នៅពេលដែលអ្នកគាំទ្រចូលខមមិនសួរ កញ្ញា វី ឌីណែត បានឆ្លើយតបមកវិញថា កញ្ញាសុំលាក់សិន នឹងបង្ហាញមុខនៅពេលក្រោយ៕