ងាកខាងណា ក៏ឃើញបែកគ្នា ឥលូវមើលគូម៉េងលិ ម្តង ស្វីតលើសជាតិស្ករ

ភ្នំពេញ៖ បើទោបីជា បច្ចុប្បន្ន តារាសម្តែងស្រី អៀ ម៉េងលិ មិនសូវមានមុខក្នុងសិល្បៈដូចពីមុន ក៏រូបនាង នៅតែទទួលបានការគាំទ្រដដែល តាមរយៈរូបសម្រស់ និងភាពស៊ិចស៊ី ស៊ីអារម្មណ៍ ដែលតែងតែបង្ហោះនៅក្នុងបណ្តាញសង្គមហ្វេសប៊ុក និងអ៊ីនស្តារក្រាមរបស់នាង។

បើក្រឡេកមើលជីវិតគូរបស់តារាស្រីរូបនេះ ក៏មិនធ្វើឲ្យហ្វេនអស់សង្ឃឹមនោះដែរ បើទោះបីជា មានទំនាក់ទំនងនឹងគ្នាយូរក៏ដោយ ក៏ស្រីលិ នៅតែស្រលាញ់គ្នា ដូចស្រមោចនិងស្ករ បេះមិនចេញនោះទេ ព្រោះពួកគេ​តែងតែមានពេលវេលា និងភាពកក់ក្តៅឲ្យទៅគ្នា ទៅវិញទៅមក។

ជាពិសេស ពួកគេ តែងដើរលេងកម្សាន្ត តាមទីជិត ទីឆ្ងាយជាមួយគ្នា ដើម្បីបង្កើនអនុស្សាវរីយ៍ និង ពេលវេលាល្អៗ ឲ្យគ្នា ហើយមិនតែប៉ុណ្ណោះ ក៏តែងបង្ហោះនូវរូបស្វីតៗ ឲ្យហ្វេនៗ បានឃើញ នៅក្នុងបណ្តាញសង្គម កាន់តែធ្វើឲ្យ ពួកគេ សឹងតែលើសជាតិស្ករ ខ្លាំងឡើងៗ។

យ៉ាងណាមិញ បើទោះបីជា ស្រីលិ និង គូស្នេហ៍ មានទំនាក់ទំនងល្អជាមួយគ្នាយ៉ាងណាក៏ដោយ ក៏ថ្ងៃរៀបការ មិនទាន់មានពន្លឺនោះទេ មិនដឹងថា ពួកគេនឹងគិតគូពេលណានោះទេ តែយ៉ាងណា ហ្វេនក៏សំណូមពរ ថាពួកគេ គួរតែរៀបការឆាប់ៗ ដើម្បីសាងជីវិតគ្រួសារជាមួយគ្នា៕