ក្រោយ Taew បែកគ្នាជាមួយមិត្តប្រុស អ្នកលេងអ៊ិនធឺណែតមួយចំនួនថា Taew អាចនឹងមានទំនាក់ទំនងជាមួយមនុស្សម្នាក់នេះ

ថៃ៖ ដូចយើងបានដឹងរួចមកហើយថា ចំណងស្នេហារបស់តារាស្រីដ៏ល្បីឈ្មោះប្រចាំស្ថានីយ៍ទូរទស្សន៍ ថៃប៉ុស្តិ៍លេខ៣ Taew Nattapohn និងមិត្តប្រុសដែលបានស្រឡាញ់គ្នាអស់រយៈពេល ១៤ឆ្នាំមកហើយនោះ បានឈានមកដល់ទីបញ្ចប់ ហើយព័ត៌មានមួយនេះបានលេចឮ និងល្បីល្បាញពេញបណ្ដាញអ៊ិនធឺណែត ព្រោះម្នាក់ៗមិននឹងស្មានថាស្នេហាដ៏យូរអង្វែងរបស់អ្នកទាំងពីរអាចឈានមកដល់ផ្លវបំបែកបែបនេះបាន។

តែអ្វីដែលគួរឲ្យចាប់អារម្មណ៍នោះ បន្ទាប់ពីអ្នកគាំទ្រភាគច្រើនបានច្រានចោលនូវការលើកឡើងថា តារាប្រុស Jame Jirayu អាចនឹងជាអ្នកទីបីនៅក្នុងរឿងរ៉ាវស្នេហាប្រេះឆាមួយនេះ ស្រាប់តែមានអ្នកលេងអ៊ិនធឺណែតមួយចំនួនទៀត បាននាំគ្នាលើកឡើងនៅក្នុងបណ្ដាញសង្គមថៃមួយប្រភេទឈ្មោះ Pantip (ជាប្រភេទបណ្ដាញសង្គមសម្រាប់ការពិភាក្សា និងបង្ហោះមតិដូច Twitter ដែរ) ថា Taew អាចនឹងមានទំនាក់ទំនងជាមួយនឹងគូស្នេហ៍ថ្មី ជាសេដ្ឋីមានទ្រព្យសម្បត្តិដ៏ស្ដុកស្ដម្ភម្នាក់នៅប្រទេសថៃ ប៉ុន្តែគ្រាន់តែនាងលាក់បាំងសិន។ ពួកគេក៏បានបន្ថែមទៀតថា Taew ប្លែកច្រើនណាស់ក្នុងមួយរយៈពេលចុងក្រោយនេះ ពោលគឺផ្លាស់ប្ដូរពីនារីស្រគត់ស្រគំ ទៅជានារីស៊ីវីល័យស៊ិចស៊ីម្នាក់ ជាពិសេសតាមរយៈការបង្ហោះវីដេអូលើ Tik Tok នោះតែម្ដង។

មកទល់ពេលនេះ គេក៏មិនទាន់ឃើញសាមីខ្លួន Taew Nattapohn ចេញមកបកស្រាយយ៉ាងណានោះដែរ ប៉ុន្តែអ្នកគាំទ្ររបស់នាងជាច្រើនបាននាំគ្នាលើកទឹកចិត្ត និងបង្ហាញជំហរគាំទ្ររាល់ការសម្រេចចិត្តរបស់តារាសំណព្វចិត្តរបស់ខ្លួន៕

សូមទស្សនារូបភាពខាងក្រោម៖