ថៃ៖ ខ្សែភាពយន្តភាគថៃ រឿង OK KEUB HAK AB RUK KHUN SAMEE (My Husband in Law) ដែលកំពុងចាក់បញ្ចាំងលើកញ្ចក់ទូរទស្សន៍ថៃប៉ុស្តិ៍លេខ៣ ដោយមានការចូលរួមសម្ដែងពីសំណាក់តារាប្រុសជួរមុខរូបសង្ហា Mark Prin និងតារាស្រីរាងតូចច្រឡឹង Mew Nittha នៅពេលនេះបានឈានចូលមកដល់ភាគទីបីហើយ។ តែអ្វីដែលសំខាន់បំផុតនោះ រឿងនេះបានចូលមកវ៉ាដាច់គ្រប់រឿងភាគដទៃទៀតរបស់ស្ថានីយទូរទស្សន៍ប៉ុស្តិ៍លេខ៣ ដោយកំពុងឈរឈ្មោះជារឿងដែលមានកំពុងទទួលបានការគាំទ្រខ្លាំងជាងគេ សម្រាប់ដើមឆ្នាំ២០២០នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើក្រឡេកមើលទៅលើចំនួនអ្នកទស្សនាតាមកញ្ចក់ទូរទស្សន៍ ឃើញថាចំនួនអ្នកទស្សនារឿងនេះបាន កើនឡើងខ្ពស់ជាងភាគបញ្ចប់នៃរឿងមួយចំនួនដែលបានចាក់បញ្ចាំងពីមុនទៅទៀត។ ចំពោះការទស្សនាតាមអនឡាញវិញ ក៏រឹតតែមានចំនួនអ្នកទស្សនារឿងនេះច្រើនលើសលប់ ដោយគេបានធ្វើការវាស់ស្ទង់ទៅលើ APP ទូរទស្សន៍អនឡាញ ចំនួនពីររួមមាន True ID និង 3Plus។
អ្វីដែលកាន់តែពិសេសមួយទៀត អ្នកទស្សនារឿងភាគថៃដ៏ថ្មីសន្លាងមួយនេះ បានធ្វើការបង្ហោះសារនៅក្នុង Twitter អំពីរឿងនេះ ដោយការដាក់ Hashtag ឈ្មោះរឿងភ្ជាប់មកជាមួយ រហូតដល់រឿងនេះជាប់ឈ្មោះក្លាយទៅជារឿងដែលមានចំនួនអ្នកនិយាយទាក់ទងច្រើនជាង ដោយទទួលបានចំណាត់ថ្នាក់ Twitter Trend លំដាប់លេខ១នៅប្រទេសថៃ និង Twitter Trend លំដាប់លេខ៣នៅទូទាំងពិភពលោក។
មូលហេតុដែលខ្សែភាពយន្តភាគថៃមួយនេះ ទទួលបានការគាំទ្រច្រើនសន្ធឹកសន្ធាប់បែបនេះ ក៏ដោយ សាររឿងនេះជាប្រភេទរឿងស្នេហា បែបកំប្លែង ហើយតួឯកទាំងពីរមានភាពសក្តិសមគ្នាក្នុងការសម្ដែង ថែមទៀត បើទោះបីជា Mark Prin និង Mew Nittha សុទ្ធសឹងតែមានគូស្នេហ៍រៀងៗខ្លួនក៏ដោយ ក៏ការសម្ដែងឈុតស្នេហារបស់អ្នកទាំងពីរនៅតែធ្វើបានល្អ ជាពិសេសស្របពេលដែលស្ថានភាពប្រទេសថៃកំពុងជួបនូវបញ្ហាដោយសារវិបត្តិកូវីដ១៩ផង សាច់រឿងបែបកំប្លែងៗអាចនឹងទទួលបានការគាំទ្រយ៉ាងងាយ ព្រោះប្រជាជនថៃអាចនឹងចង់ទទួលបាននូវអារម្មណ៍ធូរស្រាលតាមរយៈការទស្សនារឿងប្រភេទនេះ៕
សូមទស្សនារូបភាពខាងក្រោម៖