«សូមបងប្អូនពលករនៅកូរ៉េ កុំអាលមកលេងខ្មែរ! បើមកត្រូវដាក់ដោយឡែក 14 ថ្ងៃ! ពេលទៅវិញគេឃាត់ 14ថ្ងៃ ហើយអាចគេលុបទិដ្ឋាការចោលទៀត! អត់ធ្មត់សិនទៅបងប្អូន! ដំណាក់កាលការរីករាលដាលនៃជំងឺកូវីដ-១៩ នេះសូមប្រយ័ត្នប្រយ៉ែង!»។ នេះជាសារបង្ហោះនៅលើទំព័រហ្វេសប៊ុកផ្លូវការរបស់ខ្លួនពីលោក ហេង សួរ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមន្ត្រីក្រសួងការងាររូបនេះបន្ថែមថា ពលករគួររក្សាការងារដែលមានឲ្យគង់ ព្រោះដំណាក់កាលនេះ អ្នកទាំងនោះងាយនឹងបាត់បង់ការងារ។
«ខំថែរក្សាការងារ ដែលមានក្នុងដៃឲ្យគង់! ក្នុងដំណាក់កាលនេះនិយោជកខ្លះគាត់ក៏លំបាក ហើយចង់តែកាត់បុគ្គលិកចោលទេ ដូច្នេះសូមបងប្អូនកុំផ្តល់លេសស្របច្បាប់ឲ្យទៅគេ! អនាគតយើងវានៅលើការសម្រេចចិត្តរបស់យើង! បើសម្រេចចិត្តខុស សូមកុំបន្ទោសគេ!»។
ជាការកត់សម្គាល់ លោក ហេង សួរ កន្លងទៅបានទទូចឲ្យបុគ្គលិកក្នុងស្ថាប័ននានាមានការអត់ធ្មត់ និងរក្សាការងារដែលមានខ្លះនាអំឡុងពេលនេះឲ្យបានល្អរហូតដល់សេដ្ឋកិច្ចពិភពលោកវិលដូចដើម។
លោកថា៖ «សុំបងប្អូនជ្រាបថាកូវីដ១៩នេះ ប៉ះពាល់សេដ្ឋកិច្ចពិភពលោកតែម្តង។ ដូច្នេះមានតែការអត់ធ្មត់ និងខិតខំរក្សាការងារដែលមានខ្លះនេះ ឲ្យបានល្អរហូតដល់សេដ្ឋកិច្ចពិភពលោកវិលមករកភាពប្រក្រតីវិញ»៕